ပေါင်၊ စက်တင်ဘာ ၁၁
မွန်ပြည်နယ်၊ ပေါင်မြို့နယ်၌ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီးဌာနမှ စီစဉ်ဖွင့်လှစ်သည့် နွားမေထုန်မဲ့ သားစပ် သင်တန်းအမှတ်စဉ်(၂/၂၀၂၄ / မွန်)ဖွင့်ပွဲအခမ်းအနားကို ပေါင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့နံနက်ပိုင်းကကျင်းပပြုလုပ်ခဲ့သည်။
ရှေးဦးစွာ သထုံခရိုင်မွေးမြူရေးနှင့်ကုသရေးဦးစီးဌာနမှူး ဒုတိယညွှန်ကြားရေးမှူး ဒေါက်တာ သက်နိုင်က မေထုန်မဲ့သားစပ်ခြင်း၏ အဓိပ္ပာယ် အကျိုးကျေးဇူးများနှင့်ဆိုးကျိုးများ၊နွားမ၏ မျိုးပွားအင်္ဂါ၊မြိုင်သံသရာနှင့်မြိုင်စစ်ဆေးခြင်း၊မေထုန်မဲ့သားစပ်ခြင်း၊သန့်ရှင်းမှုဆိုင်ရာ ဆောင်ရွက်ရန်အချက်များကိုဂရုစိုက်မှတ်သားပြီးသင်တန်းပြီးစီးသည်အထိတက်ရောက်ကြရန်နှင့်သင်တန်းဖွင့်လှစ်ရခြင်း၏ ရည်ရွယ်ချက်အားရှင်းလင်း ပြောကြားခဲ့သည်။
ဆက်လက်၍ မြို့နယ်အထွေထွေအုပ်ချုပ်ရေးဦးစီးဌာန ဒုတိယမြို့နယ်ဦးစီးမှူး ဒေါ်ဂျူးမြတ်ချယ်လင်း က နို့နှင့်နို့ထွက်ပစ္စည်းများသည် ယခုအခါ ကြိုက်နှစ်သက်မှုများသည့်အတွက် ပိုမိုထုတ်လုပ်နိုင်ရန် နွားမေထုန်မဲ့ သားစပ်ခြင်းသည် အကျိုးကျေးဇူးများစွာရရှိကြောင်း အမှာစကားပြောကြားခဲ့သည်။
တစ်ဆက်တည်းမှာပင် မြို့နယ်စိုက်ပျိုးရေးဦးစီးဌာနမှမြို့နယ်ဦးစီးမှူးဦးကျော်စွာလှိုင် က စိုက်ပျိုးရေး၊မွေးမြူရေးသည် ကဏ္ဍအလိုက် အရေးပါသည့်အတွက် နို့နှင့်နို့ထွက်ပစ္စည်းများသည် နိုင်ငံတော်အတွက် အလွန်ပင်အရေးကြီးသည့်အတွက် ယခုတက်ရောက်ကြသည့်သင်တန်းသားများက ပူးပေါင်းဆောင်ရွက်မှသာ မွေးမြူရေး ကဏ္ဌ နှင့်ထုတ်လုပ်မှု ပိုမိုတိုးတက်လာမည်ဖြစ်ပါကြောင်း ၊လိုအပ်လျှင် နိုင်ငံတော်က ချေးငွေတွေပါ ထုတ်ပေးသွားမည်ဖြစ်ကြောင်းအမှာစကားပြောကြားခဲ့သည်။
အဆိုပါသင်တန်းကို စက်တင်ဘာလ (၁၁)ရက်နေ့မှ (၁၅) ရက်နေ့အထိ ( ၅ )ရက်ကြာ ဖွင့်လှစ်သွားမည်ဖြစ်ပြီး ပေါင်မြို့နယ်အတွင်းရှိ အခြေခံကျန်းမာရေးလုပ်သား (CAHW) (၁၀) ဦး တက်ရောက်သင်ကြားလျက်ရှိကြောင်း သိရသည်။
မွန်မလေး
Join - https://t.me/MyanmarNationalPost
No comments:
Post a Comment