ညောင်ဦး ၊ စက်တင်ဘာ ၂
မန္တလေးတိုင်းဒေသကြီး၊ ညောင်ဦးမြို့နယ်၊ ညောင်ဦး- မြင်းခြံလမ်း၊ ပခုက္ကူတံတားအနီးရှိ လက်ထုပ်ကျေးရွာမှ ကျေးရွာသား နှစ်ဦးကို ဒလန်ဟုစွပ်စွဲကာ PDF အကြမ်းဖက်သမားများက သတ်ဖြတ်လိုက်ကြောင်း သိရသည်။
ယနေ့ စက်တင်ဘာလ (၂)ရက် နံနက် (၃)နာရီခွဲခန့်က ညောင်ဦးမြိုနယ် လက်ထုပ်ကျေးရွာအတွင်းသို့ သေနတ်အတို/အရှည်နှင့် ဓားများ ကိုင်ဆောင်ထားသည့် PDF အကြမ်းဖက်သမား အင်အား (၁၀)ဦးခန့် ဝင်ရောက်လာကာ ကျေးရွာသား နှစ်ဦးဖြစ်သည့် ဦးကိုချစ် (၄၂)နှစ်နှင့် ဦးတင်ထွန်းအောင်ဝေ (ခ) ဆုကြီးဝေ (၄၅)နှစ်တိုအား သေနတ်ဖြင့် ပစ်ခတ်သတ်ဖြတ်သွားကြောင်း သိရသည်။
ပစ်ခတ်ခံရမှုကြောင့် ဦးချစ်ကိုသည် ဝဲဘက်နားထင် ဖောက်ဝင်ဒဏ်ရာ (၂)ချက် ရရှိခဲ့ကာ သေဆုံးသွားပြီး ဦးတင်ထွန်းအောင်ဝေ(ခ)ဆုကြီးဝေသည်လည်း ဝဲ-နားထင် ဖောက်ဝင်ဒဏ်ရာ (၂)ချက်၊ ယာဘက်မျက်လုံး ဖောက်ဝင်ဒဏ်ရာ (၁)ချက်ဖြင့် အခင်းဖြစ်ပွါးသည့် နေရာတွင် လဲကျသေဆုံးသွားကြောင်း သိရသည်။
ဇန်နဝါရီလ (၂၆)ရက်ကလည်း လက်ထုပ်ကျေးရွာမှ ရပ်မိရပ်ဖတစ်ဦးကို PDF အကြမ်းဖက်သမားများက သေနတ်ဖြင့် ပစ်ခတ်ပြီး ထင်းခွဲသည့် ပုဆိန်ဖြင့် ဦးခေါင်းကို ခုတ်ကာ သတ်ဖြတ်ခဲ့သည်။
Join - https://t.me/MyanmarNationalPost
No comments:
Post a Comment