ရန်ကုန်၊ အောက်တိုဘာ ၂၅
၂၂-၁၀-၂၀၂၄ ရက်နေ့မှ ၂၄-၁၀-၂၀၂၄ ရက်နေ့ထိ မလေးရှားနိုင်ငံတွင် ကျင်းပပြုလုပ်ခဲ့သည့် မော်တော်ယာဉ်မတော်တဆမှုဖြစ်စဉ် ကယ်ဆယ်ရေးစွမ်းရည်ပြိုင်ပွဲ (Malaysia International Rescue Extrication Challenge-MIREC)အား အိမ်ရှင် မလေးရှားနိုင်ငံအပါအဝင် မကာအို၊ စင်ကာပူ၊ ဟောင်ကောင်၊ ဖိလစ်ပိုင်၊ မြန်မာ၊ ဘရူနိုင်း၊ အင်ဒိုနီးရှား၊ ဗီယက်နမ် စသည့် နိုင်ငံပေါင်း ၉ နိုင်ငံမှ အသင်း ၁၀ သင်းပါဝင်ယှဉ်ပြိုင်ခဲ့သည်။
မြန်မာနိုင်ငံကိုယ်စားပြု ပြိုင်ပွဲဝင်အသင်းအား ပြည်ထဲရေးဝန်ကြီးဌာန၊ မီးသတ်ဦးစီးဌာန ညွှန်ကြားရေးမှူးချုပ် ဦးမြတ်သူ ဦးဆောင်မှုဖြင့် သွားရောက်ယှဉ်ပြိုင်ခဲ့ရာ မြန်မာနိုင်ငံမီးသတ်တပ်ဖွဲ့မှ Best Team Leader ဆုအား ဆွတ်ခူးကာ နိုင်ငံ့ဂုဏ်ဆောင် နိုင်ခဲ့ပြီး ၂၅-၁၀-၂၀၂၄ ရက်နေ့၊ ၁၃ ၂၀ အချိန်တွင် ရန်ကုန်အပြည်ပြည်ဆိုင်ရာလေဆိပ်သို ပြန်လည်ရောက်ရှိခဲ့ရာ မီးသတ်တပ်ဖွဲဝင်များမှ ဂုဏ်ယူဝမ်းမြောက်စွာ ကြိုဆိုခဲ့ကြသည်။
Join - https://t.me/MyanmarNationalPost
No comments:
Post a Comment