မဟာအောင်မြေ၊ အောက်တိုဘာ ၂၆
မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းမြသာစည်မြို့နယ်၊ သံလျက်မှော်တောင်ရပ်ကွက်ကန်ပတ်လမ်းရှိ ကန်တော်ကြီးအတွင်း၌ ယနေ့နံနက်ပိုင်းက မန္တလေးတိုင်းဒေသကြီး အထွေထွေအုပ်ချုပ်ရေးဦးစီးဌာနမှကြီးမှူး၍ (၇-၁၁-၂၀၂၄)ရက်နေ့တွင်ကျရောက်မည့် (၃၆)နှစ်မြောက်အထွေထွေအုပ်ချုပ်ရေးဦးစီးဌာန နှစ်ပတ်လည်နေ့အထိမ်းအမှတ်ဖြင့် ဇီဝိတဒါန ငါးလွှတ်ပွဲအခမ်းအနားအားကျင်းပပြုလုပ်ခဲ့သည်။
အခမ်းအနားသို့ တိုင်းဒေသကြီးအုပ်ချုပ်ရေးမှူး ဦးဝေဇင်ထွန်း၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ခရိုင်/မြို့နယ်မိခင်နှင့်ကလေး၊ အမျိုးသမီးရေးရာကော်မတီဝင်များ၊ မဟာအောင်မြေခရိုင်၊ အောင်မြေသာစံခရိုင်၊ အမရပူရခရိုင်တို့မှ ခရိုင်အုပ်ချုပ်ရေးမှူးများနှင့်ဇနီးများ မြို့နယ်အုပ်ချုပ်ရေးမှူးများနှင့်ဇနီးများ အမှုထမ်း/အရာထမ်းဝန်ထမ်းများ စုစုပေါင်းဝန်ထမ်း(၁၀၀)ဦးခန့် တက်ရောက်ခဲ့ကြောင်းနှင့် ကန်တော်ကြီးအတွင်းသို့ ငါးမြစ်ချင်းငါးသားပေါက် ကောင်ရေ(၁၀၀၀၀)ကောင်အား ဇီဝိတဒါနအဖြစ်လွှတ်ပေးခဲ့ကြောင်းသိရသည်။
အောင်ဇော်မင်း
Join - https://t.me/MyanmarNationalPost
No comments:
Post a Comment