ရွှေတောင် ၊ အောက်တိုဘာ ၂၄
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ကသစ်တိုင်းကျေးရွာအုပ်စု၊တောင်လုံးညိုကျေးရွာတွင် မိသားစုတစ်ပိုင်တစ်နိုင် ဂန္ဓမာအဝါကြီးမျိုး ပန်းစိုက်ပျိုး၍မိသားစုဝင်ငွေရရှိကြောင်းသိရသည်။
ဂန္ဓမာအဝါကြီးမျိုးပန်းစိုက်ပျိုးရာတွင်ယခင်နှစ်မှစိုက်ပြီး အညွှန့်ခူးပျိုးခြင်း၊ကိုင်းဖြတ်၍ကျန်သည့် အမြစ်ပါသောကိုင်းများကို ပြန်လည်ပျိုးထောင်၍ စိုက်ပျိုးထားကြောင်းသိရသည်။
အပင်ရေ ( ၅၀၀၀) စိုက်ပျိုးထားရှိပြီး မေလတွင်စတင်စိုက်ပျိုး၍ ( ၄)လအကြာ သီတင်းကျွတ်လကုန်ပိုင်းလောက်တွင်ခူး၍ရောင်းရကြောင်း၊စတင်စိုက်ပျိုးချိန်မှ မြေဘောင်တင်ခြင်း၊မြေသြဇာကျွေးခြင်း၊ပိုးသတ်ဆေးဖြန်းရာတွင် ပိုးကျမှုအပေါ်မူတည်၍ ( ၅)ရက်တစ်ခါ ( သို့) ( ၇)ရက်တစ်ခါ ၊ပိုးသတ်ဆေးဖြန်းရပြီးစုစုပေါင်းကုန်ကျစရိတ်မှာ ( ၁၀) သိန်းခန့်ကုန်ကျကြောင်းသိရသည်။
ယခင်နှစ်က( ၁)စည်းလျှင်( ၅၀၀) ကျပ်ရရှိပြီး ယခုနှစ်တွင် ( ၆/၇)ပွင့်( ၁)စည်းလျှင်( ၉၀၀) ကျပ်ရရှိပြီးကိုင်းအသေး( ၁)စည်းလျှင်( ၂၅၀) ကျပ်ရရှိ၍ ယခင်နှစ် ပန်းစျေးကောင်းသော်လည်း မိုးများပြီး အရွက်များနား၍ စျေးနှုန်းကွာခြားမှုလေးတော့ရှိကြောင်း၊ထွက်ရှိလာသောပန်းများကို ကြို့ပင်ကောက်၊ပေါင်းတည်၊ဇီးကုန်း၊ပြည်၊ဥသျှစ်ပင်မှ ဖောက်သည်များက အခင်းသို့လာရောက်ဝယ်ယူကြောင်း စိုက်ခင်းပြီးသည်အထိ ငွေကျပ်သိန်း ( ၃၀) ခန့်ရရှိ၍အကျိုးအမြတ်ငွေကျပ်သိန်း ( ၂၀) ခန့်ရရှိကြောင်းဂန္ဓမာအဝါကြီးမျိုး စိုက်ပျိုးတောင်သူ ဦးအောင်ကိုမင်းထံမှသိရသည်။
ကိုကိုမင်း
https://t.me/MyanmarNationalPost
No comments:
Post a Comment