ရန်ကုန်၊ အောက်တိုဘာ ၂၁
ရန်ကုန်တိုင်းဒေသကြီး၊ သန်လျင်မြို့၊ နယ်လှည့်သစ္စာဓိဋ္ဌာန်စတုဒိသာနတ်စင်တစ်ရာကျောင်း၌ ကျင်းပသော နိုင်ငံတော်ကြီး အေးချမ်းသာယာဖွံ့ဖြိုးတိုးတက်စေရန်နှင့် တိုင်းကျိုးပြည်ရွာသာသနာအမြဲတိုးတက်စေရန်ရည်သန်၍ (၂၁) ကြိမ်မြောက် ဝါတွင်းကာလ ရက်ပေါင်း (၉၀) နေ့ညအသံမစဲ အဘိဓမ္မာ(၇)ကျမ်း၊ ပဋ္ဌာန်းဒေသနာ၊ကျမ်းရွှေစာ ရွတ်ဖတ်ပူဇော်ပွဲ အောင်ပွဲအခမ်းအနားကို ယမန်နေ့မွန်းလွဲပိုင်းက ကျင်းပရာ နိုင်ငံတော်သံဃမဟာနာယကအဖွဲ့ဥက္ကဋ္ဌ ဒေါက်တာဘဒ္ဒန္တစန္ဒိမာဘိဝံသ တက်ရောက်ခဲ့သည်။
အခမ်းအနားကို ပင့်သံဃာတော်များနှင့် ဧည့်ပရိတ်သတ်များက နမောတဿသုံးကြိမ်ရွတ်ဆိုဘုရားကန်တော့ပြီး နိုင်ငံတော်သံဃမဟာနာယကအဖွဲ့ဥက္ကဋ္ဌရန်ကုန်တိုင်းဒေသကြီး၊ သန်လျင်မြို့ မင်းကျောင်းပထမပြန်စာသင်တိုက် ပဓာနနာယကဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇဒေါက်တာဘဒ္ဒန္တစန္ဒိမာဘိဝံသထံမှ ငါးပါးသီလခံယူဆောက်တည်ကြပြီး မေတ္တာသုတ်ပရိတ်တရားတော်များကို နာယူကြသည်။
ထိုနောက် ကြွရောက်တော်မူကြသည့် နိုင်ငံတော်သံဃမဟာနာယကအဖွဲ့ဥက္ကဋ္ဌဆရာတော်ကြီးနှင့် ပင့်သံဃာတော်များအား တာဝန်ရှိသူများနှင့် အလှူရှင်များက အလှူငွေများ ဆက်ကပ်လှူဒါန်းပြီး လှူဒါန်းမှုအစုစုနှင့် အခမ်းအနားကျင်းပရခြင်းရည်ရွယ်ချက်တို့ကို သန်လျင်မြို့၊ နယ်လှည့်သစ္စာဓိဋ္ဌာန်စတုဒိသာနတ်စင်တစ်ရာကျောင်းဆရာတော်ဒေါက်တာဘဒ္ဒန္တပညာတေဇ (အဂ္ဂမဟာသဒ္ဓမ္မဇောတိကဓဇ) က ကျေးဇူးတင်ဝမ်းမြောက်ကြောင်း လျှောက်ထားသည်။
ယင်းနောက် လှူဒါန်းမှုအစုစုတို့အတွက် နိုင်ငံတော်သံဃမဟာနာယကအဖွဲ့ဥက္ကဋ္ဌ ဒေါက်တာဘဒ္ဒန္တစန္ဒိမာဘိဝံသဆရာတော်ကြီးထံမှ အနုမောဒနာတရားနားကြား၍ ရေစက်သွန်းချအမျှပေးဝေခဲ့ကြောင်း သိရသည်။
အောင်မြင့်
Join - https://t.me/MyanmarNationalPost
No comments:
Post a Comment