ရွှေဘို၊ အောက်တိုဘာ ၂၀
စစ်ကိုင်းတိုင်းဒေသကြီး၊ ရွှေဘိုခရိုင် ရွှေဘိုမြို့ ရှေးဟောင်းသမိုင်းဝင်ရွှေချက်သိုစေတီတော်မြတ်ကြီး ရွှေသင်္ကန်းကပ်လှူပူဇော်ရန် အလှူငွေပေးအပ်ခြင်းအခမ်းအနားကို ယနေ့နံနက် ၈ နာရီအချိန်က အဆိုပါစေတီတော်ရှိ ဓမ္မာရုံတွင် ကျင်းပခဲ့သည်။
ဆက်လက်၍ တက်ရောက်လာသူများမှ နမောတဿသုံးကြိမ်ရွတ်ဆို ဘုရားကန်တော့၍ အခမ်းအနား ဖွင့်လှစ်ခဲ့ပြီး ရွှေဘိုမြို့နယ် သံဃနာယကဥက္ကဋ္ဌ ပုခန်းကျောင်းတိုက်ဆရာတော် အဂ္ဂမဟာဘဒ္ဒန္တဝါစကပဏ္ဍိဘဒ္ဒန္တဝိဿုတထံမှ (၅) ပါးသီလ ခံယူဆောက်တည်ခဲ့ကြသည်။
ထို့နောက် အနောက်မြောက်တိုင်းစစ်ဌာနချုပ်အမှတ် (၅) စစ်အုပ်ချုပ်ရေးနယ်မြေ စစ်နယ်မြေမှူးနှင့် အရာရှိစစ်သည်များ၊ ခရိုင်စီမံအုပ်ချုပ်ရေးအဖွဲ့အတွင်းရေးမှူးနှင့်အဖွဲ့ဝင်များ၊ ဒုခရိုင်အုပ်ချုပ်ရေးမှူး ဦးညီညီအောင်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိုးဝင်းနှင့်အဖွဲ့ဝင်များ၊ ခရိုင်/ မြို့နယ်ဌာနဆိုင်ရာအကြီးအကဲများ၊ မြို့မိမြို့ဖများမှ လှူဖွယ်ပစ္စည်းနှင့် အလှုငွေများ ဆက်ကပ်လှူဒါန်းခဲ့ကြရာ နိုင်ငံတော်သံဃမဟာနာယကအဖွဲ့ဝင် တွဲဖက်အကျိုးတော်ဆောင် အဂ္ဂမဟာဂန္တဝါစကပဏ္ဍိတ ဘဒ္ဒန္တစန္ဒဝံသလင်္ကာရာသီဝံသမှ အနုမောဒနာတရားတော် ဟောကြားချီးမြှင့်ခဲ့ပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ကြသည်။
ထို့နောက်ဆရာတော် သံဃာတော်များမှ မေတ္တာသုတ်ပရိတ်တရားတော်များ ရွတ်ပွားသရဇ္ဇျယ်ခြင်းများ ပြုလုပ်ပေးခဲ့ပြီး “ဗုဒ္ဓသာသနံစိရံတိဠတု” သုံးကြိမ်ရွတ်ဆို၍ အခမ်းအနား ပြီးမြောက်အောင်မြင်ခဲ့ကြောင်း သိရသည်။ အဆိုပါလှူဒါန်းမှုတွင် ရွှေဘိုခရိုင်/ မြို့နယ်ဌာနဆိုင်ရာများ၊ ရွှေဘိုတပ်နယ်မှူးနှင့် အရာရှိစစ်သည်မိသားစုဝင်များ၊ မြို့မိမြို့ဖနှင့် စေတနာရှင်အလှူရှင်များ၏ စုစုပေါင်းလှူဒါန်းငွေကျပ် (၃၃၆၀၀၀၀၀ိ/) သိန်းသုံးရာသုံးဆယ့်ခြောက်သိန်း ပါဝင်လှူဒါန်းနိုင်ခဲ့ကြောင်း သိရသည်။
Join - https://t.me/MyanmarNationalPost
No comments:
Post a Comment