ရန်ကုန်၊ အောက်တိုဘာ ၂၁
ရန်ကုန်တိုင်းဒေသကြီး၊ မှော်ဘီမြို့နယ်၊ အထယုကျေးရွာတွင် ကျေးရွာအုပ်ချုပ်ရေးမှူးတစ်ဦး ဓားဖြင့် ထိုးသတ်ခံရပြီး ကျူးလွန်သူ လွတ်မြောက်လျက် ရှိနေသည်။
အောက်တိုဘာလ (၁၉)ရက် ညနေ (၆)နာရီခွဲအချိန်က အထယုကျေးရွာထိပ်ရှိ ကုန်စုံဆိုင်တွင် ဘီယာသောက်ရင်း စကားများရာမှ အုပ်ချုပ်ရေးမှူး ဦးထိန်လင်း ဓားဖြင့် ထိုးသတ်ခံရခြင်းဖြစ်သည်။
ဓားဖြင့် ထိုးခံရမှုကြောင့် ဦးထိန်လင်းတွင် ယာဘက်မျက်လုံးအောက် ထိုးသွင်းဒဏ်ရာ၊ ဝဲလည်ပင်း ထိုးသွင်း ဒဏ်ရာ၊ ယာရင်အုံ ထိုးသွင်းဒဏ်ရာ၊ ဝဲနံစောင်း ထိုးသွင်းဒဏ်ရာ၊ ဝဲဘက်ခါးထိုးသွင်းဒဏ်ရာ စသည့် ဒဏ်ရာများ ရရှိကာ လှည်းကူးဆေးရုံသို့ ပို့ဆောင်စဉ် သေဆုံးသွားကြောင်း သိရသည်။
ကျေးရွာအုပ်ချုပ်ရေးမှူးကို သတ်ဖြတ်သူသည် ဝက်သားရောင်းသည့် ဇော်မင်းထွန်းဖြစ်ပြီး လက်ရှိအချိန်တွင် ထွက်ပြေးလွတ်မြောက်နေကြောင်း သိရသည်။
Join - https://t.me/MyanmarNationalPost
No comments:
Post a Comment