ကျောက်တံတား ၊ အောက်တိုဘာ ၂၅
ကျောင်းသား/ သူများ ဗလငါးတန်းဖွံ့ဖြိုးတိုးတက်လာစေရန်ရည်ရွယ်၍ ရန်ကုန်တိုင်းဒေသကြီး၊ ကျောက်တံတားခရိုင်၊ ကျောက်တံတားမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Community center) ခန်းမ၌ ယမန်နေ့ ၁၂ နာရီအချိန်မှ စတင်၍ စာဖတ်ရှိန်မြှင့်တင်ရေး အသိပညာပေးဟောပြောပွဲ၊ ပြပွဲများနှင့် ပြိုင်ပွဲများ ကျင်းပခဲ့ကြသည်။
ရှေးဦးစွာ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိက ကျောင်းသား/ သူများအား စာဖတ်ရှိန်မြှင့်တင်ရေး အသိပညာပေးဟောပြောပွဲ၊ ပြပွဲနှင့် ပြိုင်ပွဲများကျင်းပရခြင်းနှင့်ပတ်သက်၍ ရှင်းလင်းပြောကြားခဲ့ပြီးနောက် ပုံပြင်ပြောပြိုင်ပွဲ၊ ကဗျာရွတ်ပြိုင်ပွဲ၊ စကားပုံဆက်ပြိုင်ပွဲ၊ ဥာဏ်စမ်းပဟေဠိပြိုင်ပွဲများ၊ ဘယ်ခြေညာလက်ဂိမ်းပြိုင်ပွဲနှင့် အခြားဂိမ်းပြိုင်ပွဲများကို ကျင်းပပြုလုပ်ခဲ့ရာ ကျောင်းသား၊ ကျောင်းသူ (၂၅)ဦး ဝင်ရောက်ယှဉ်ပြိုင်ခဲ့ကြပြီး ဆုရရှိသူများကို ဆုလက်ဆောင်များ အသီးသီး ချီးမြှင့်ခဲ့ကြောင်း သိရသည်။
ဆက်လက်၍ ကျောင်းသား/ သူများက သုတ၊ ရသစာအုပ်များ ခင်းကျင်းပြသထားမှုကို လေ့လာဖတ်ရှုကြပြီး ဆေးလိပ်နှင့် ဆေးရွက်ကြီးကြောင့် ဖြစ်တတ်သည့် ရောဂါများအကြောင်း အသိပညာပေးနံရံကပ်စာစောင်အား ကြည့်ရှု့လေ့လာခဲ့ကြကြောင်း သိရသည်။
ကျောက်တံတား
https://t.me/MyanmarNationalPost
No comments:
Post a Comment