တာမွေ ၊ အောက်တိုဘာ ၂၉
ရန်ကုန်မြို့တွင်း ပြေးဆွဲနေသည့် YBS ယာဉ်လိုင်းကုမ္ပဏီများမှ စည်းကမ်းမဲ့ YBS ယာဉ်မောင်းများအား Traffic Control Center မှ Telematics စက်များ၊ CCTV record မှတ်တမ်းများဖြင့် စစ်ဆေးအရေးယူဆောင်ရွက် လျက်ရှိကြောင်း ရန်ကုန်တိုင်းဒေသကြီး ပုဂလိက သယ်ယူပို့ဆောင်ရေးကြီးကြပ်မှုကော်မတီ (YRTC)မှ သိရသည်။
“ စည်းကမ်းမဲ့ YBS ယာဉ်မောင်းများ၏ ယှဉ်ပြိုင်ကျော်တက်မောင်းနှင်ခြင်း၊ ဘေးတံခါးဖွင့်၍ မောင်းနှင်ခြင်း၊ လမ်းပြောင်းပြန်မောင်းနှင်ခြင်း၊ မီးနီဖြတ်မောင်းနှင်ခြင်း စသည့်ယာဉ်စည်းကမ်း ဖောက်ဖျက်မှုများကြောင့် သေဆုံးမှု၊ ဒဏ်ရာရရှိမှုများ ဖြစ်ပေါ်လျက်ရှိခြင်းကြောင့် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC)အနေဖြင့် ယခုကဲ့သို့ စောင့်ကြည့်စစ်ဆေးအရေးယူခြင်းဖြစ်ကြောင်း ” ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC)မှ ဒုတိယဥက္ကဋ္ဌ ဦးချစ်ကိုကိုက ပြောသည်။
ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC)၏ စီမံခန့်ခွဲမှုအောက်တွင် YBS ယာဉ်လိုင်းကုမ္ပဏီ ၂၁ ခု၊ ယာဉ်အစီးရေ ၅၀၀၀ ကျော်ရှိပြီး နေ့စဉ် ယာဉ်အစီးရေ ၄၀၀၀ နီးပါးဖြင့် ရန်ကုန်တိုင်းဒေသကြီးအတွင်း ပြေးဆွဲပေးလျက်ရှိရာ ခရီးသွားပြည်သူဦးရေ ၁ ဒသမ ၅သန်းခန့်ကို နေ့စဉ်ပို့ဆောင်၍ ဝန်ဆောင်မှုပေးလျက်ရှိကြောင်း သိရသည်။
ယခု ၂၀၂၄-ခုနှစ်အတွင်း ယာဉ်မတော်တဆမှုများအနေဖြင့် ယာဉ်ပေါ်မှ ပြုတ်ကျမှုကြောင့် ဒဏ်ရာရရှိသူ တစ်ဦး၊ သေဆုံးသူနှစ်ဦးနှင့် လမ်းပြောင်းပြန်မောင်းနှင်မှုကြောင့် လမ်းဖြတ်ကူးသူ ခြောက်ဦးဒဏ်ရာရရှိခဲ့၍ သေဆုံးသူ ၁၂ ဦးထိရှိကြောင်း သတင်းရရှိပါသည်။
နိုင်လင်းအောင်
https://t.me/MyanmarNationalPost
No comments:
Post a Comment