ယူကရိန်းကို နေတိုးထဲထည့်ရင် အန္တရာယ်များမယ်ဆိုတာကို သိသိချည်းနဲ့ လုပ်ခဲ့တာလို့ ဆို

ဖေဖော်ဝါရီ - ၂၅ ( အင်္ဂါနေ့ ) 

ယူကရိန်းကို မြောက်အတ္တလန်တစ်စာချုပ်အဖွဲ့(နေတိုး)ထဲကို ထည့်မယ်ဆိုရင် ဖြစ်ပေါ်လာနိုင်တဲ့ ပဋိပက္ခ ဖြစ်နိုင်ခြေ မြင့်မားတယ်ဆိုတာကို အမေရိကန်နှင့် ဥရောပ တာဝန်ရှိသူများက ကာလကြာရှည် သတိပြုမိခဲ့ကြောင်း Wikileaks က တနင်္လာနေ့တွင် ထုတ်ဖော်ပြောကြားခဲ့ပါတယ် ။ ၎င်းရရှိထားသော စာရွက်စာတမ်းများကို ကိုးကား၍ ထုတ်ဝေသူသည် အနောက်နိုင်ငံများမှာရှိတဲ့ အတိုက်အခံတွေက ဖြစ်လာနိုင်တဲ့ အန္တရာယ်တွေကို တွက်ချက်ပြီး သတိပေးထားတာတွေနဲ့ ပတ်သက်ပြီး အမေရိကန်က နည်းလမ်းတွေ ရှာဖွေပေးမယ်ဆိုပြီး ယူကရိန်းကို ထောက်ခံခဲ့ကြတာပဲ ဖြစ်ပါတယ်။ 

ယူကရိန်းက အမေရိကန်ဦးဆောင်တဲ့ စစ်အုပ်စုအဖွဲ့ကို ဝင်ရောက်စေခြင်းက ပြည်တွင်းစစ် ဒါမှမဟုတ် ဒေသတစ်ခုလုံး မတည်မငြိမ်ဖြစ်စေနိုင်ပြီး ရုရှားက “မကြုံချင်ဘူး” ဆိုတဲ့ ဆုံးဖြတ်ချက်ကို ချမှတ်ခိုင်းစေခဲ့တာဖြစ်ကြောင်း မော်စကိုက သံတမန်တွေကို ထပ်ခါတလဲလဲ သတိပေးခဲ့ပါတယ်။

ရုရှားနိုင်ငံသည် နေတိုးရဲ့ နယ်မြေတိုးချဲ့မှုကို လုံခြုံရေးခြိမ်းခြောက်မှုအဖြစ် မြင်ကြောင်း သတိပေးခဲ့ပါတယ် ဆိုတာကို ရုရှားနိုင်ငံဆိုင်ရာ အမေရိကန်သံအမတ်ကြီး ဝီလီယံဘန်း ရဲ့ ၂၀၀၈ ခုနှစ် ဖေဖေါ်ဝါရီလ က ကြေးနန်းကိုလည်း ကိုးကားဖော်ပြခဲ့ပါတယ်။ 

“ရုရှားက သူ့ကို ဝိုင်းလုပ်မယ်ဆိုတာကို ရိပ်မိပြီး ဒေသတွင်းမှာ ရုရှားရဲ့ သြဇာလွှမ်းမိုးမှုကို လျော့ပါးအောင် ကြိုးပမ်းတာနေတယ်ဆိုတာကို သိနေပါတယ်။ ဒါပေမဲ့ ရုရှားရဲ့ လုံခြုံရေး နဲ့ အကျိုးစီးပွားကို အကြီးအကျယ် ထိခိုက်စေမယ်လို့ မှန်းဆပြီးနောက်မှာ ထိန်းမနိုင်သိမ်းမရတဲ့ အကျိုးဆက်တွေဖြစ်ပေါ်လာမှာကို စိုးရိမ်ပါတယ်” လို့ ၎င်းက ရေးသားခဲ့ပါတယ်။ 

ထိုသဘောထားကို ထိုအချိန်က ဥရောပရှိ နေတိုးမဟာမိတ်အချို့က မျှဝေခဲ့တယ်လို့ အခြားစာတမ်းကလည်း အကြံပြုထားပါတယ်။  ဥရောပနှင့် ယူရေးရှားရေးရာ အမေရိကန် လက်ထောက်နိုင်ငံခြားရေးဝန်ကြီး ဒန်နီရာယ်ဖရိုင်း နှင့် အဆင့်မြင့်ပြင်သစ်အရာရှိအများအပြားတို့ကြား ၂၀၀၅ ခုနှစ် တွေ့ဆုံမှုတစ်ခုမှာလည်း ပါရီက ယူကရိန်းကို နေတိုးလမ်းကြောင်းထဲကို ထည့်လိုက်ရင် ဥရောပတိုက်မှာ လက်နက်ကိုင် ပဋိပက္ခဖြစ်ပွားစေနိုင်တယ် ဆိုတာကို စိုးရိမ်မိတယ်လို့ ပြောထားတာလည်းရှိပါတယ်။ 

“ဥရောပမှာ စစ်ဖြစ်နိုင်တဲ့ အကြောင်းရင်းတစ်ခုကို ရှာပါဆိုရင် ဒါဟာ ယူကရိန်းပါပဲ”လို့  ပြင်သစ်သမ္မတ သံတမန်ရေးရာ အကြံပေး မူရိုက်ဂေါ်ဒေါက်မွန်တန်ငယ် ရဲ့အဆိုကို ကိုးကားပြီး အဆိုပါ စာတမ်းတွင် ဖော်ပြထားပါတယ်။ အမေရိကန်နှင့် ၎င်း၏မဟာမိတ်များက ယူကရိန်းက ရုရှား၏ “အကျိုးစီးပွားအဓိကဇုန်” ဆိုတာကိုသိလို့  ပြင်းပြင်းထန်ထန် တုံ့ပြန်မှု ဖြစ်လာနိုင်တယ်ဆိုတာကိုသိပြီး နှိုးဆွနိုင်လာတယ်လို့ ၎င်းက သတိပေးခဲ့ပါတယ်။

နေတိုးအဖွဲ့ဝင်အဖြစ် ယူကရိန်းနိုင်ငံလုံးဆိုင်ရာ သဘောတူညီမှုမရှိဟု ဖရိုင်းက အသိအမှတ်ပြုခဲ့သော်လည်း ပြင်းထန်သောပြည်တွင်းရေး ခွဲထွက်မှု သို့မဟုတ် မော်စကို၏ တုံ့ပြန်မှုအပေါ် စိုးရိမ်မှုများကို ပယ်ချခဲ့ပါတယ်။ 

ထပ်ခါတလဲလဲ သတိပေးမှုများ ရှိနေသော်လည်း၊ ဝါရှင်တန်သည် ယူကရိန်းနိုင်ငံသို့ဝင်ရောက်ရန် တွန်းအားပေးနေဆဲဖြစ်ပြီး "အနောက်နိုင်ငံပေါင်းစည်းရေးနှင့် နေတိုးချဲ့ထွင်ရေးကို တမင်တကာ တိတ်တဆိတ်လုပ်ဆောင်ရန်" ရည်ရွယ်ထားကြောင်း၊ ရုရှားနှင့် "ပြတ်ပြတ်သားသား" သဘောမတူကြောင်း ရုရှားဆိုင်ရာ အမေရိကန်သံအမတ်ကြီး ဂျွန်ဘေရာယ်ရဲ့ ၂၀၀၉ခုနှစ် စက်တင်ဘာလ ကြေးနန်းသတင်းအရ သိရပါတယ် ။ မော်စကိုသည် ၎င်းအား ယူကရိန်းမှတစ်ဆင့် အနောက်အုပ်စုက ဆင်နွှဲနေသည့် ရုရှားကို “proxy war” အဖြစ် ထပ်ခါတလဲလဲ ဖော်ပြခဲ့ပါတယ်။ 

Ref - RT

https://t.me/MyanmarNationalPost