တရုတ် ၊ အီရန် နဲ့ ရုရှားတို့ လုံခြုံရေး ခါးပတ် စစ်ရေးလေ့ကျင့်ခန်းလုပ်

မတ် - ၁၀ ( တနင်္လာနေ့ ) 

အီရန်၊ တရုတ်နှင့် ရုရှားတို့သည် "Security Belt 2025" ဟုခေါ်သော ပူးတွဲစစ်ရေးလေ့ကျင့်မှုကို အိန္ဒိယသမုဒ္ဒရာအတွင်း၌ သုံးနိုင်ငံ လုံခြုံရေးနဲ့ ပတ်သက်ပြီး ပူးပေါင်းဆောင်ရွက်မှုကို မြှင့်တင်ရန် ဒီကနေ့ စတင်လုပ်ဆောင်ခဲ့ပါတယ်။  

"ရည်ရွယ်ချက်မှာ စစ်ရေးအရ အပြန်အလှန်ယုံကြည်မှု ခိုင်မာစေရန်နှင့် ပါဝင်သည့် နိုင်ငံများ၏ ရေတပ်တပ်ဖွဲ့များအကြား လက်တွေ့ကျသော ပူးပေါင်းဆောင်ရွက်မှုကို မြှင့်တင်ရန်ဖြစ်သည်" ဟု တရုတ်ကာကွယ်ရေးဝန်ကြီးဌာနက ထုတ်ပြန်ချက်တွင် ဖော်ပြထားပါတယ်။

ဒါဟာ ၇ ကြိမ်မြောက် "Security Belt" စစ်ရေးလေ့ကျင့်မှုဖြစ်ပြီး ရေကြောင်းပစ်မှတ်တွေ၊ ပျက်စီးဆုံးရှုံးမှု ထိန်းချုပ်ရေးနဲ့ ပူးတွဲရှာဖွေကယ်ဆယ်ရေးတွေအပေါ် အာရုံစိုက်တဲ့ စစ်ရေးလေ့ကျင့်မှုတွေ ပါဝင်မယ်လို့ တရုတ်သတင်းဌာန ဆင်ဟွာက ဖော်ပြခဲ့ပါတယ်။ တရုတ်နိုင်ငံသည် စစ်ရေးလေ့ကျင့်မှုတွင် ပါဝင်ရန် ၎င်း၏ အားအပြင်းဆုံး ပဲ့ထိန်းဒုံးကျည်ဖျက်သင်္ဘော Baotou ကို စေလွှတ်ရန် စီစဉ်ထားသည်။ ယခုနှစ် စစ်ရေးလေ့ကျင့်မှုကို အိုမန်ပင်လယ်ကွေ့ရှိ အီရန်ဆိပ်ကမ်း ချာဘာဟာ တွင် ပြုလုပ်ရန် စီစဉ်ထားပါတယ်။ 

အဇာဘိုင်ဂျန်သမ္မတနိုင်ငံ၊ တောင်အာဖရိက၊ အိုမန်၊ ကာဇက်စတန်၊ ပါကစ္စတန်၊ ကာတာ၊ အီရတ်၊ UAE နှင့် သီရိလင်္ကာတို့မှ တာဝန်ရှိသူများက အဆိုပါ စစ်ရေးလေ့ကျင့်မှုကို စောင့်ကြည့်မည်ဖြစ်ကြောင်း အီရန်နိုင်ငံပိုင် မီဒီယာက ဖော်ပြခဲ့ပါတယ်။ ယမန်နှစ် စစ်ရေးလေ့ကျင့်မှုတွင် ပြန်ပေးဆွဲထားသော ကုန်သည်သင်္ဘောများကို လက်နက်ကိုင် ကယ်ဆယ်ခြင်းနှင့် ပင်လယ်ပြင်ရှိ ပစ်မှတ်များကို ပစ်ခတ်ခြင်းတို့ ပါဝင်ပါတယ်။ 

REF: UPI

https://t.me/MyanmarNationalPost