အာဆတ်မရှိတော့တဲ့ ရက်၁၀၀ ဆီရီးယားမှာ ဘာတွေပြောင်းလဲသွားပြီလဲ

မတ် - ၂၁ (သောကြာနေ့) 

ဆီးရီးယားသမ္မတာ ဘာရှာအာဆတ်ကို ဖြုတ်လိုက်ပြီး အာမက်အက်ရှ် ရှာရာ အာဏာရလာသည်မှာ ဒီကနေ့ ဆိုရင် ရက်ပေါင်းတစ်ရာရှိပြီ ဖြစ်သော်လည်း ဆီးရီးယားတွင် ငြိမ်းချမ်းရေး လျင်မြန်စွာ ထူထောင်နိုင်ရေး အတွက် သူ့ကိုထောက်ခံသူများရဲ့ မျှော်လင့်ချက်များအား အကောင်အထည်မ ဖော်နိုင်သေးပါဘူး။ နိုင်ငံ က ပြင်းထန်တဲ့ စိန်ခေါ်မှုများကို ဆက်လက်ရင်ဆိုင်နေရဆဲဖြစ်ပါတယ်။ အနောက်နိုင်ငံတွေရဲ့ ပိတ်ဆို့ အရေးယူမှုများကလည်း သိသိသာသာကျဆင်းသွားခြင်း မရှိဘဲ အများစုက ဆက်ပြီး ပိတ်ဆို့ထားဆဲ ဖြစ်နေပါတယ်။ ပြဿနာက လူမျိုးရေးခွဲခြားမှုများ ဆက်လက်ဖြစ်ပေါ်နေလို့ လူ့အဖွဲ့အစည်းက ပြိုကွဲစေဆဲဖြစ်ပြီး  တစ်ခါတစ်ရံတွင် အဲ့ဒိအခြေအနေက လက်နက်ကိုင်တိုက်ပွဲများအဖြစ်သို့ တိုးမြင့်လာနေပါတယ်။

ခေါင်းဆောင်အသစ်သည် ပြန်လည်သင့်မြတ်ရေးမူဝါဒကို အကောင်အထည်ဖော်ရန် ကြိုးပမ်းနေပြီး အသစ်တစ်ဖန်စတင်ရန်နှင့် အတိတ်က မကျေနပ်ချက်များကို ချန်ထားခဲ့ရန် ကြိုးပမ်းလျက်ရှိသည်။ သို့ရာတွင်၊ ပြေလည်မှုလုပ်ငန်းစဉ်သည် ရှုပ်ထွေးပြီး ရှင်းရှင်းလင်းလင်းဖြစ်မနေပါဘူး။ ပဋိပက္ခ၏ နှစ်ပေါင်းများစွာအတွင်း နက်ရှိုင်းစွာ အမြစ်တွယ်နေသော ဆန့်ကျင်ကွဲလွဲမှုများသည် ယုံကြည်မှုနှင့် တည်ငြိမ်မှုကို ချက်ချင်းပြန်လည်ရရှိရန် တားဆီးထားသလို ဖြစ်နေပါတယ်။ ပြုပြင်ပြောင်းလဲမှုများနှင့် သံတမန်ရေးအရ လုပ်ဆောင်မှုများကို ကြေညာထားသော်လည်း ဆီးရီးယားလူ့အဖွဲ့အစည်းသည် သဘောထားကွဲလွဲနေဆဲဖြစ်ပြီး ပြင်ပနိုင်ငံတွေရဲ့ နိုင်ငံရေးကစားသမားတွေက ပြည်တွင်းရေးအခြေအနေကို ဆက်လက်လွှမ်းမိုးနေပါတယ်။

မည်သို့ပင်ဆိုစေကာမူ နိုင်ငံ့ခေါင်းဆောင်များသည် အတားအဆီးများစွာနှင့် ကြုံတွေ့နေရသည့်တိုင် တည်ငြိမ်ရေးနှင့် ပြန်လည်ထူထောင်ရေးဆိုင်ရာ ကြိုးပမ်းမှုများကို အရှုံးမပေးဘဲဆက်လုပ်နေပါတယ်။ နိုင်ငံရေးလမ်းစဉ်သစ်က နှစ်ရှည်လများ စောင့်မျှော်ခဲ့ရတဲ့ ငြိမ်းချမ်းရေးကို ဦးတည်သွားမလားဆိုတာ စောင့်ကြည့်ရဦးမှာပါ။ ယခုအချိန်တွင်၊ ဤရက်ပေါင်း ၁၀၀ အတွင်း ဖြစ်ပျက်ခဲ့သည့်အရာများနှင့် ဆီးရီးယား၏အနာဂတ်အပေါ် မည်သို့သက်ရောက်မှုရှိနိုင်တာကို သုံးသပ်ဖို့ လိုပါပြီ။ 

အစိုးရသစ်၏ ပြည်တွင်းမူဝါဒ၏ အဓိကအချက်များထဲမှတစ်ခုကတော့ အမျိုးသားပြန်လည်သင့်မြတ်ရေး ဖြစ်ပါတယ်။ အစပိုင်းတွင်၊ အစိုးရသစ်ရဲ့ တူရကီဆန့်ကျင်ရေး ရပ်တည်ချက်ကြောင့် ကာ့ဒ်လိုလားသော ဆီးရီးယားဒီမိုကရက်တစ်တပ်ဖွဲ့ (SDF) နဲ့ပတ်သက်ပြီး အကြီးမားဆုံးအခက်အခဲများ ပေါ်ပေါက်လာ မယ်လို့ ယုံကြည်ခဲ့ကြပေမဲ့ မတ်လ ၁၀ ရက်နေ့ ညနေနှောင်းပိုင်းတွင် ဆီးရီးယားအစိုးရသစ်နှင့် ကာ့ဒ်အုပ်ချုပ်ရေးအဖွဲ့တို့က ကာ့ဒ်အရပ်သားနှင့် စစ်ဘက်ဆိုင်ရာအဆောက်အအုံများအားလုံးကို ဆီးရီးယားနိုင်ငံတွင်းရှိ အင်စတီကျူးရှင်းများအတွင်းသို့ ဖြည်းဖြည်းချင်း ပေါင်းစည်းရေး သဘောတူညီချက်တစ်ရပ်ကို လက်မှတ်ရေးထိုးခဲ့ကြပါတယ်။ အဆိုပါစာတမ်းကို ယာယီ ဆီးရီးယားသမ္မတ အာမက်အက်ရှ်ရှာရာနဲ့  ဆီးရီးယားဒီမိုကရက်တစ်တပ်ဖွဲ့ (SDF) ၏ တပ်မှူး မက်ဇ်လိုရမ် အဘာဒီ တို့ လက်မှတ်ရေးထိုးခဲ့ကြတာပါ။ 

သဘောတူညီချက်ပါ စည်းကမ်းချက်များအရ၊ SDF သည်နှစ်ကုန်တွင်၊ တူရကီနှင့် အီရန်နယ်စပ်ဖြတ်ကျော်မှုများ၊ လေဆိပ်များ၊ ရေနံမြေများနှင့်အကျဉ်းထောင်များကို ဆီးရီးယားအစိုးရထံ လွှဲပြောင်းပေးရမှာဖြစ်ပြီး အပြန်အလှန်အားဖြင့်၊ ကာ့ဒ်လူမျိုးများသည် ပညာရေးတွင် ၎င်းတို့၏ဘာသာစကားကို အသုံးပြုခွင့်နှင့် အိုးအိမ်စွန့်ခွာသွားသူများ ၎င်းတို့၏နေရပ်သို့ ပြန်နိုင်ခွင့် အပါအဝင် ဖွဲ့စည်းပုံအခြေခံဥပဒေဆိုင်ရာ အာမခံချက်များ ရရှိမှာဖြစ်ပါတယ်။ ကာ့ဒ်လူမျိုးများသည် ၎င်းတို့၏ ဂိုဏ်းဂဏနှင့် ဆက်နွယ်မှုမရှိဘဲ ဆီးရီးယား၏ နိုင်ငံရေးဘဝတွင် အပြည့်အ၀ ပါဝင်ခွင့် ရရှိမည်ဖြစ်ပြီး SDF က ယခင်စစ်အစိုးရဟောင်း ဘာရှာအာဆက်ကို ထောက်ခံသူများနှင့် နိုင်ငံ၏လုံခြုံရေးနှင့် နယ်မြေစိုးမိုးရေးဆိုင်ရာ ခြိမ်းခြောက်မှုများကို တိုက်ဖျက်ရာတွင် အစိုးရသစ်ကို ပံ့ပိုးကူညီသွားမယ်လို့  ကတိပြုထားပါတယ်။ 

သဘောတူညီချက်စာချုပ်က ဆီးရီးယားပြည်သူများအတွက် ပိုမိုကောင်းမွန်သော အနာဂတ်အတွက် အခြေအနေများ ဖန်တီးပေးရန်၊ ၎င်းတို့၏ အခွင့်အရေးများကို ကာကွယ်ရန်နှင့် ငြိမ်းချမ်းရေးရရှိရန် ရည်ရွယ်ထားတယ်လို့ ဆိုပေမဲ့ သဘောတူညီချက်ပါ ပြဋ္ဌာန်းချက်များအားလုံးကို အကောင်အထည်ဖော်ရန် ယန္တရားများနှင့် အချိန်ဇယားများက ရှင်းရှင်းလင်းလင်း မရှိပါဘူး။ 

ဆီးရီးယားညွှန့်ပေါင်း စစ်တပ်၊ မြို့တော်နှင့် နိုင်ငံတော်အလံတို့ကို ထားရှိမည်ဖြစ်ပြီး SDF အတွင်းရှိ နိုင်ငံခြားအဖွဲ့ အစည်းအားလုံးကို နိုင်ငံတွင်းမှ နှင်ထုတ်မယ်လို့ ကတိပြုထားပေမဲ့ ယင်းသည် ဆီးရီးယားရှိ ၎င်း၏ လက်ရှိဖြစ်နေတဲ့ ပြည်တွင်းစစ်ကာလအတွင်း ကာဒ့်အလုပ်သမားပါတီက တိုက်ခိုက်ရေးသမားများကို ချန်လှပ်ထား နိုင်တဲ့ သဘောသက်ရောက်နေပါတယ်။ 

အမေရိကန်က ဆီးရီးယားမှာရှိတဲ့ ၎င်းရဲ့စစ်တပ်တွေကို ဆုတ်ခွာချင်နေတာကြောင့် ကာဒ့်တွေကို မွေးထားပြီး ဆီးရီးယား နဲ့ တူရကီအပေါ် ဩဇာလွှမ်းမိုးနိုင်အောင် လုပ်နေတာလို့ ကျွမ်းကျင်သူတွေက သုံးသပ်ထားပါတယ်။ အဓိကကတော့ အမေရိကန်ရဲ့အကျိုးစီးပွားကို ကာကွယ်နိုင်ဖို့ ကာဒ့်တွေကို ကိုယ်ပိုင်အုပ်ချုပ်ခွင့်ရဒေသ ထူထောင်နိုင်အောင် ဖန်တီးပေးနေတာပါ။ 

REF: RT

https://t.me/MyanmarNationalPost