နေပြည်တော်၊ မတ် ၂၈
ဒုတိယအကြိမ်မြောက် တရုတ်-မြန်မာ ပူးတွဲသုတေသနအဆိုပြုစီမံကိန်းများအတွက် တရုတ်-မြန်မာ ပူးတွဲလုပ်ငန်းအဖွဲ့ညှိနှိုင်းအစည်းအဝေးကို ၂၆ ရက်နေ့ မွန်းလွဲပိုင်းတွင် သိပ္ပံနှင့်နည်းပညာဝန်ကြီးဌာန အစည်းအဝေးခန်းမ၌ Hybrid စနစ်ဖြင့် ကျင်းပသည်။
အဆိုပါ ညှိနှိုင်းအစည်းအဝေးတွင် ဒုတိယဝန်ကြီး ဒေါက်တာအောင်ဇေယျက ဒုတိယအကြိမ်မြောက် မြန်မာနိုင်ငံနှင့် တရုတ်နိုင်ငံတို့အကြား သိပ္ပံနှင့်နည်းပညာပူးပေါင်းဆောင်ရွက်ရေး ပရောဂျက်များနှင့်စပ်လျဉ်း၍ ရွေးချယ်ဆောင်ရွက်နိုင်ရန်နှင့် တရုတ်-မြန်မာ သံတမန်ဆက်ဆံရေးထူထောင်ခြင်း (၇၅)နှစ်ပြည့် စိန်ရတုအထိမ်းအမှတ် နှစ်ဖက်အကျိုးရှိသည့် လုပ်ငန်းများ ပူးပေါင်းဆောင်ရွက်ရန် ရည်ရွယ်၍ အစည်းအဝေးကို ကျင်းပရခြင်းဖြစ်ကြောင်း ပြောကြားသည်။
ထို့နောက် တက်ရောက်လာသည့် သိပ္ပံနှင့်နည်းပညာဝန်ကြီးဌာနမှ စီမံကိန်းလျှောက်ထားသည့် အဖွဲ့အစည်းများက သုတေသနစီမံကိန်းများနှင့်စပ်လျဉ်း၍ ဆွေးနွေးခဲ့ကြပြီး ဒုတိယဝန်ကြီးက ပြန်လည်ရှင်းလင်းပြောကြားသည်။
အဆိုပါဆွေးနွေးပွဲသို့ သိပ္ပံနှင့်နည်းပညာဝန်ကြီးဌာန သိပ္ပံနှင့်နည်းပညာပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့ဝင်များ၊ စီမံကိန်းလျှောက်ထားသည့် အဖွဲ့အစည်းများ တက်ရောက်ကြကြောင်း သိရသည်။
သတင်းစဉ်
https://t.me/MyanmarNationalPost
No comments:
Post a Comment