မိုးနဲ၊ မတ် ၂၅
၂၀၂၄-၂၀၂၅ ပညာသင်နှစ်၊ အခြေခံပညာအလယ်တန်းနှင့် မူလတန်းအဆင့်သင်ကြားသင်ယူမှုထိရောက်ရေး ဘာသာရပ်စွမ်းရည်မြှင့်သင်တန်းဖွင့်ပွဲအခမ်းအနားကို ယမန်နေ့နံနက် ၉ နာရီ အချိန်က ရှမ်းပြည်နယ်(တောင်ပိုင်း)၊ နမ့်စန်ခရိုင်၊ မိုးနဲမြို့နယ် အမှတ်(၁)အခြေခံပညာအထက်တန်းကျောင်း ပုလဲဆောင်ခန်းမ၌ကျင်းပပြုလုပ်ရာ ဒုတိယမြို့နယ်ပညာရေးမှူးနှင့် သင်တန်းနည်းပြများ၊ သင်တန်းသား/သူ၊ ဆရာ/မများ တက်ရောက်ခဲ့ကြကြောင်း သိရသည်။
အခမ်းအနားတွင် ဒုတိယမြို့နယ်ပညာရေးမှူး ဦးလှနိုင်က ဆရာ/ဆရာမများသင်ကြားမှုနည်းစနစ်စွမ်းရည်များ ဖွံ့ဖြိုးတိုးတက်လာစေရန်၊ ဘာသာရပ်အလိုက် ထူးချွန်ထက်မြတ် စွမ်းဆောင်ရည်မြင့်မားလာစေရန်၊ နိုင်ငံ့သားကောင်းရတနာများ ဖြစ်ထွန်းပေါ်ပေါက်လာအောင် မြှင့်တင်ဆောင်ရွက်ပေးနိုင်ရန် ရည်ရွယ်၍ သင်တန်းများပို့ချပေးရခြင်းဖြစ်ကြောင်း အမှာစကားပြောကြားခဲ့သည်။
အဆိုပါ သင်တန်းတွင် အလယ်တန်းအဆင့် နည်းပြဆရာ/မ ၆ ဦးနှင့် မူလတန်းအဆင့်တွင် နည်းပြ ဆရာ/မ ၁၂ ဦးတို့က အလယ်တန်အဆင့် ဆရာ/ဆရာမ ၅၄ ဦး၊ မူလတန်းပြဆရာ/မ ၈၆ ဦး၊ စုစုပေါင်း ဆရာ/ဆရာမ သင်တန်းသား ၁၄၀ ဦးကို သင်ရိုးညွန်းတမ်းအတိုင်း မတ်လ ၂၄ ရက်နေ့မှ ၂၈ ရက်နေ့ထိ ပို့ချသွားမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
မျိုးညွန့်ရွှေ(မိုးနဲ)
Join - https://t.me/MyanmarNationalPost
No comments:
Post a Comment