ကြံခင်း၊ မတ် ၂၇
ဧရာဝတီတိုင်းဒေသကြီး၊ ကြံခင်းမြို့နယ်၌ နှစ်(၈၀)ပြည့် တပ်မတော်နေ့ကို ကြိုဆိုဂုဏ်ပြုသော အားဖြင့် ယမန်နေ့ ညနေ ၃ နာရီအချိန်က ကျန်းမာရေးအသိပညာပေး ဟောပြောပွဲကို မြို့နယ် ပြည်သူ့ကျန်းမာရေးဦးစီးဌာနရုံး သင်တန်းခန်းမတွင် ပြုလုပ်ခဲ့သည်။
အခမ်းအနားကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းလှိုင်အဖွင့်အမှာစကားပြောကြားပြီး မြို့နယ်ကုသရေးနှင့် ပြည်သူ့ကျန်းမာရေးဦးစီးဌာနမှူး ဒေါက်တာ လှထွန်းဇော်က လတ်တလောဖြစ်ပွား လျက်ရှိသော ခွေးရူးပြန်ရောဂါကြိုတင်ကာကွယ်နည်းလမ်းများ၊ အပူဒဏ်အန္တရာယ် ကြိုတင်ကာကွယ်ရေး လုပ်ငန်းများအကြောင်းတို့အား Power Point ဖြင့် ရှင်းလင်းဟောပြောရာတွင် ခွေးရူးပြန်ရောဂါသည် ခွေး၊ ကြောင်များနှင့် အနီးကပ်ထိတွေ့ ကိုင်တွယ်သူများစသည့် တိရစ္ဆာန်အကိုက် ခံရသူများတွင် အများ ဆုံးဖြစ်ပွားနိုင်ကြောင်း၊ ခွေးကိုက်ခံရလျှင် ခွေးရူးပြန်ရောဂါမဖြစ်အောင် ကာကွယ်ရမည့်နည်းလမ်းများ အား လည်းကောင်း၊ အပူဒဏ်အန္တရာယ်ကြောင့် ဖြစ်ပေါ်နိုင်သည့် လက္ခဏာများနှင့် အရေးပေါ်ရှေးဦး ပြုစုနည်းလမ်းများကို ရှင်းလင်းဟောပြောခဲ့သည်။ ဆက်လက်၍ သမားတော် ဒေါက်တာ ကျော်ကိုကိုဝင်း က အသဲရောင်အသားဝါ (အေ)ရောဂါကူးစက်နိုင်သည့် နည်းလမ်းများ၊ ရောဂါလက္ခဏာများ၊ Diagnosis ၊ ကုသပုံနှင့် ကာကွယ်နိုင်မည့်နည်းလမ်းများအား ရှင်းလင်းဟောပြောပြီး အခမ်းအနားတက်ရောက် လာကြသော ဌာနဆိုင်ရာများနှင့် ဧည့်ပရိတ်သတ်များက သိရှိလိုသည်များအား မေးမြန်းဆွေးနွေးကြရာ မြို့နယ်ဆရာဝန်ကြီးနှင့် သမားတော်တို့က အသီးသီး ပြန်လည်ဖြေကြားခဲ့ကြ သည်။
အဆိုပါ အသိပညာပေးဟောပြောပွဲသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဝင်းလှိုင်၊ မြို့နယ် ရဲတပ်ဖွဲ့မှူး ရဲမှူးကြည်စိုး၊ ဌာနဆိုင်ရာများ၊ မြို့နယ်ဆရာဝန်ကြီး၊ သမားတော်နှင့် ကျန်းမာရေးဝန်ထမ်း များ၊ အမျိုးသမီးရေးရာအဖွဲ့ဥက္ကဋ္ဌ ဒေါ်စိုးစိုးတင့်နှင့်အဖွဲ့ဝင်များ၊ မြန်မာနိုင်ငံကြက်ခြေနီအသင်း(ကြံခင်း) နှင့် လူမှုရေးအသင်းအဖွဲ့များ တက်ရောက်ခဲ့ကြကြောင်း သိရသည်။
ဖြိုးဝေလင်း
https://t.me/MyanmarNationalPost
No comments:
Post a Comment