အမရပူရ၊ မတ် ၂၆
မန္တလေးတိုင်းဒေသကြီး၊ အမရပူရခရိုင်၊ အမရပူရမြို့နယ်၊ ဥယျာဥ်တော်ကျေးရွာ၊ အမှတ် ၅ ရပ်ကွက်ရှိ ပြည်တော်သာဓမ္မာရုံတွင် ယနေ့နံနက် ၉ နာခွဲအချိန်က အမရပူရမြို့နယ် ကြက်ခြေနီအသင်းခွဲမှ ဦးစီးကျင်းပသည့် ရှေးဦးပြုစုခြင်း(အခြေခံ)သင်တန်းဆင်းပွဲနှင့် ရပ်ကျေးကြက်ခြေနီ သင်းခွဲငယ်ဖွဲ့စည်းခြင်းအခမ်း အနားကို ကျင်းပခဲ့သည်။
ဦးစွာအမရပူရမြို့နယ် ကြက်ခြေနီသင်းခွဲဥက္ကဋ္ဌ ကိုယ်စား အတွင်းရေးမှူးဦးညွန့်ဝင်းက အဖွင့်အမှာစကားပြောကြားခဲ့သည့။ ထို့နောက် ကျေးရွာအုပ်ချုပ်ရေးမှူးက မုဒိတာစကားပြောကြားပြီး သင်တန်းဆင်းလက်မှတ်များကို အတွင်းရေးမှူးက ပေးအပ်ခဲ့သည်။ ဆက်လက်ပြီး သင်တန်းတွင် ဆုရရှိသူများကို ရုံးအဖွဲ့မှူး ဒေါ်သီသီထွန်းက ဆုများပေးအပ်ခဲ့သည်။ အဆိုပါ သင်တန်းဖွင့်လှစ်ပေးမှုကို သင်တန်းသားတစ်ဦးကကျေးဇူးတင်စကားပြန်လည်ပြောကြားခဲ့သည်။
ဆက်လက်ပြီးရပ်ကျေးကြက်ခြေနီသင်းခွဲငယ်ကို သင်တန်းသား ၃၀ ဦးဖြင့် ဖွဲ့စည်းထားရှိမှုကို တိုင်းဒေသကြီးရုံးသို့ တင်ပြနိုင်ရန် ကျေးရွာအုပ်ချုပ်ရေးမှူးမှ အတွင်းရေးမှူး ဦးညွန့်ဝင်းထံ ဖွဲ့စည်းထားသောစာရွက်စာတန်းများကို ပေးအပ်ခဲ့ကြောင်း သိရသည်။
စိုးသီဟ(အမရ)
https://t.me/MyanmarNationalPost
No comments:
Post a Comment