ဒီနှစ် အိန္ဒိယ ပြည်တွင်းကျောက်မီးသွေးထုတ်လုပ်မှုက ထွက်ငွေ ၅ ဘီလီယံကျော်ကို တားနိုင်ခဲ့

မတ် - ၂၃ ( တနင်္ဂနွေနေ့ ) 

အိန္ဒိယနိုင်ငံတွင် ကျောက်မီးသွေး ထုတ်လုပ်မှုသည် မတ်လ ၃၁ ရက် နောက်ဆုံးထား၍ ပထမဘဏ္ဍာနှစ်အတွင်း တန်ချိန် ၁ ဘီလီယံ စံချိန်တင် အမြင့်ဆုံးသို့ ရောက်ရှိခဲ့ကြောင်း သတ္တုတွင်းဝန်ကြီး ကီရှန်ရက်ဒီ  က ပြောကြားခဲ့ပါတယ်။  ၎င်း၏ စီးပွားရေး လျင်မြန်စွာ ကြီးထွားလာမှုနှင့်အတူ အိန္ဒိယနိုင်ငံသည် ပြည်တွင်း လျှပ်စစ်ဓာတ်အား ထုတ်လုပ်ရန်အတွက် ကျောက်မီးသွေးကို အဓိက မှီခိုနေရပါတယ်။ 

တရုတ်နိုင်ငံပြီးရင် ကမ္ဘာ့ဒုတိယအကြီးဆုံး ကျောက်မီးသွေးသုံးစွဲတဲ့ အိန္ဒိယနိုင်ငံဟာ သူ့ရဲ့လျှပ်စစ်ဓာတ်အား ၇၄ ရာခိုင်နှုန်းကို ကျောက်မီးသွေးအခြေခံ ထုတ်လုပ်ခြင်းကနေ ရရှိပါတယ်။ အိန္ဒိယနိုင်ငံ၏ စွမ်းအင်ရောနှော သုံးစွဲမှုတွင် ကျောက်မီးသွေး၏ဝေစုသည် ခန့်မှန်းခြေအားဖြင့် ၅၅% ရှိပါတယ်။  ၂၀၂၃- ၂၄ ဘဏ္ဍာနှစ်တွင် ကျောက်မီးသွေးတန်ချိန် ၉၉၇.၈၆ သန်း ထုတ်ယူခဲ့သော အိန္ဒိယနိုင်ငံသည် ယခုအခါ နှစ်စဉ် ကျောက်မီးသွေး တန်ချိန် ၁ ဘီလီယံကျော် ထွက်ရှိသည့် တစ်ခုတည်းသော နိုင်ငံဖြစ်လာပြီး တရုတ်နိုင်ငံကိုကျော်တက်သွားပြီ ဖြစ်ပါတယ် ။ 

“ဒီအောင်မြင်မှုက ကျွန်တော်တို့ရဲ့ စွမ်းအင်လိုအပ်ချက်တွေကို တိုးမြင့်လာစေပြီး စီးပွားရေးတိုးတက်မှုကို တွန်းအားပေးပြီး အိန္ဒိယနိုင်ငံအတွက် ပိုမိုတောက်ပတဲ့အနာဂတ်ကို သေချာစေမှာပါ” လို့ ဝန်ကြီးက X မီဒီယာ၌ သောကြာနေ့တွင် ပို့စ်တင်ခဲ့ပါတယ်။  ဝန်ကြီးချုပ် နာရင်ဒါမိုဒီ က အိန္ဒိယ၏ သမိုင်းဝင်အောင်မြင်မှုကို ချီးကျူးခဲ့ပြီး ၎င်းသည် အိန္ဒိယအတွက် ဂုဏ်ယူစရာအခိုက်အတန့်ဖြစ်ကြောင်းနှင့် စွမ်းအင်လုံခြုံရေး၊ စီးပွားရေးတိုးတက်မှုနှင့် မိမိကိုယ်ကိုအားကိုးရန် အစိုးရ၏ ကတိကဝတ်ကို မီးမောင်းထိုးပြခဲ့ပါတယ်။

ပြည်တွင်း၌ ကျောက်မီးသွေး ထုတ်လုပ်မှု တိုးမြှင့်ခြင်းသည် သွင်းကုန် လျှော့ချရန် အထောက်အကူ ဖြစ်စေ ပါတယ်။ ပြည်ပမှ ကျောက်မီးသွေးဝယ်ယူမှုသည် ၂၀၂၄ ခုနှစ် ဧပြီလမှ ဒီဇင်ဘာလအထိ ၈.၄ ရာခိုင်နှုန်း  အထိ ကျဆင်းသွားခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက နိုင်ငံခြားငွေ စုဆောင်းငွေမှာ အမေရိကန်ဒေါ်လာ ၅.၄၃ ဘီလီယံခန့် ရှိကြောင်း အစိုးရအချက်အလက်များအရ သိရပါတယ်။

ကျောက်မီးသွေးလုပ်ငန်းစီမံချက်အရ အစိုးရက လက်ရှိဘဏ္ဍာနှစ်အတွက် တန်ချိန် ၁.၀၈ ဘီလီယံ ထုတ်လုပ်မှု ရည်မှန်းချက်ကို ချမှတ်ထားပါတယ်။ အိန္ဒိယသည် နွေရာသီဝယ်လိုအား အမြင့်မားဆုံး ဖြည့်ဆည်းရန် ကျောက်မီးသွေးကို ဆက်လက်တင်သွင်းနေသော်လည်း အစိုးရသည် ပြည်တွင်းထွက်ရှိမှုနှင့် ပြန်လည်ပြည့်ဖြိုးမြဲ စွမ်းအင်ရင်းမြစ်များ တိုးချဲ့ခြင်းပြုလုပ်ကာ၂၀၂၆ ခုနှစ်တွင် ကျောက်မီးသွေးဖူလုံမှုရှိရန် ရည်မှန်းထားပါတယ်။

REF: RT             

https://t.me/MyanmarNationalPost