နျူဒုံးတပ် တိုက်လေယာဉ်တွေကို ပြင်သစ်နယ်စပ်တစ်လျှောက် ခင်းကျင်းထားရန်ရှိနေ

မတ် - ၁၉ ( ဗုဒ္ဓဟူးနေ့ ) 

ပြင်သစ်နိုင်ငံက နျူကလီးယား ခရုဇ်ဒုံးကျည်များ တပ်ဆင်ထားသော ရာဖာလီ တိုက်လေယာဉ်များကို ဂျာမနီ နယ်စပ်တစ်လျှောက်ရှိ ၎င်း၏ အဓိကလေတပ်စခန်းများမှာ ထားရှိပြီး အဆင့်မြှင့်တင်မည်ဖြစ်ကြောင်း သမ္မတ အမ္မာနျူရယ် မာခွန်က အင်္ဂါနေ့တွင် ပြောကြားခဲ့ပါတယ်။ 

ပြင်သစ်နိုင်ငံ အရှေ့ပိုင်းရှိ စိန့်ဆူဗီယာ အခြေစိုက်စခန်းမှာရှိတဲ့ နျူလက်နက်များကို ၂၀၁၁ ခုနှစ်အထိ ထားရှိခဲ့ပြီးနောက်မှာတော့ နျူဒုံးတင်တိုက်လေယာဉ်များကို မတူညီသောနေရာသို့ ပြောင်းရွှေ့ထား ခဲ့ပါတယ်။ 

"နောက်ထပ်ဗားရှင်း အသစ်အဖြစ်နဲ့ အသံထက်မြန်တဲ့ နျူကလီးယားဒုံးကျည်များကို ခင်းကျင်းထားရှိဖို့အတွက် ပထမဆုံး အခြေစိုက်စခန်း ဖြစ်လာပါလိမ့်မယ်" လို့ သမ္မတက ကြေငြာခဲ့ပါတယ်။ ရာဖာလီ တပ်ခွဲနှစ်ခုကို ထားရှိရန် မြို့စောင့်တပ်သည် စစ်ဘက်နှင့် အရပ်ဘက် ဝန်ထမ်း ၂၀၀၀ နီးပါးအထိ နှစ်ဆတိုးသွားမည် ဖြစ်ကြောင်း ၎င်းက ပြောကြားခဲ့ပါတယ်။ အဲ့ဒိ အခြေစိုက်စခန်းကို ခေတ်မီစေရန်နှင့် အရှိန်မြှင့်ရန်အတွက် အစိုးရက ယူရို ၁.၅ ဘီလီယံ (ဒေါ်လာ ၁.၆၄ ဘီလီယံ) သုံးစွဲမှာပဲ ဖြစ်ပါတယ်။ 

မော်စကိုနှင့် ကိယက်ဗ်တို့ကြားတွင် ပစ်ခတ်တိုက်ခိုက်မှုများ ဖြစ်ပွားပြီးနောက် ပြင်သစ်သည် “ပို၍အန္တရာယ်များပြီး မသေချာမရေရာသောကမ္ဘာ” ထဲကို ဥရောပက ရောက်နေပြီဖြစ်လို့ ပြင်ဆင်မှုတွေကို လုပ်ရတော့မှာလို့မာခွန်က ရုရှားကို တိုက်ရိုက်မပြောဘဲ ဆိုလိုက်ပါတယ်။  ဂျာမနီနှင့် အခြားအီးယူအဖွဲ့ဝင်များကို ကာကွယ်ရန်အတွက် ပြင်သစ်အနေနဲ့ ၎င်း၏နျူကလီးယားလက်နက်တိုက်ကို သက်တမ်းတိုးနိုင်ကြောင်း ဂျာမနီ၏ အဓိပတိတာဝန်ပေးသူ Friedrich Merz က အကြံပြုပြီးနောက် ယင်းကြေညာချက် ထွက်ပေါ်လာခြင်း ဖြစ်ပါတယ်။ Macron က ဒီကိစ္စနဲ့ ပတ်သက်ပြီး ဆွေးနွေးမှုတွေ လုပ်မယ်လို့ တုံ့ပြန်ခဲ့ပါတယ်။

ရုရှားကတော့ အီးယူ၏ “စစ်ရေးပြင်ဆင်မှု” အစီအစဉ်များကို မဆင်မခြင်နှင့် အရှိန်မြှင့်ခြင်းအဖြစ် ရှုတ်ချခဲ့ပါတယ်။ လက်ရှိလုပ်နေတဲ့ ယူကရိန်း - ရုရှားငြိမ်းချမ်းရေကို အဟန့်အတားဖြစ်အောင် လုပ်နေတာလို့လည်း ဆိုပါတယ်။ 

REF: RT 

https://t.me/MyanmarNationalPost