ရွှေဘို၊ မတ် ၂၇
သာသနာရေးနှင့်ယဉ်ကျေးမှုဝန်ကြီးဌာန၊ သာသနာရေးဦးစီးဌာနမှ နှစ်စဉ်ပြုလုပ်ကျင်းပသည့် အစိုးရဓမ္မာစရိယစာမေးပွဲနှင့် ပါဠိပထမပြန်စာမေးပွဲအား စစ်ကိုင်းတိုင်းဒေသကြီးရွှေဘိုမြို့ အမှတ် (၄) ရပ်ကွက်ရှိ သာသနာ့ဗိမ္မာန်တော်ကြီးတွင် မတ်လ (၂၅) ရက်နေ့ နေ့လယ်ပိုင်းက ကျင်းပပြုလုပ်ရာ ကျောင်းတိုက်အသီးသီးမှ စာဖြေသံဃာတော်များ အေးချမ်းစွာဖြင့် ဝင်ရောက်ဖြေဆိုလျက်ရှိကြောင်း သိရသည်။
စာမေးပွဲ ဖြေဆိုနေကြသည့် ရဟန်း၊ သံဃာတော်နှင့် သီလရှင်များ စိတ်အေးချမ်းမြေ့စွာ ဖြေဆိုနိုင်ရေးအတွက် မြို့နယ်သံဃနာယက ဥက္ကဋ္ဌ ဆရာတော်အပါအဝင် ကြီးကြပ်ဆရာတော်များအား၊ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးသောင်းတင်ထွေး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်နိုင်နှင့် တာဝန်ရှိသူများ၊ မြို့မိမြို့ဖများ၊စေတနာရှင် အလှူရှင်များက သွားရောက်ဖူးမြော်ကြည်ညိုခဲ့ပြီး၊ ရေသန့်၊ အချိုရည်များလှူဒန်းပေးခဲ့ကြောင်းသိရပြီး ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများက ကျန်းမာရေးစောင့်ရှောက်မှုများ အပါအဝင် လိုအပ်သည်များကို ကူညီစောင့်ရှောက်ပေးလျက်ရှိကြောင်း သိရသည်။
အဆိုပါစာမေးပွဲအား မတ်လ ၂၅ ရက်နေ့မှ ဧပြီလ ၆ ရက်နေ့အထိ ပြုလုပ်ကျင်းပသွားမည် ဖြစ်ပြီး ပထမနေ့၌ စာဖြေသံဃာတော်/သီလရှင်၊ စုစုပေါင်း (၂၉၄) ပါးဖြေဆိုလျက်ရှိကြောင်း သိရသည်။
ခရိုင်
https://t.me/MyanmarNationalPost
No comments:
Post a Comment