နေပြည်တော်၊ မတ် ၂၇
နှစ်(၈၀)ပြည့် တပ်မတော်နေ့ကို ကြိုဆိုဂုဏ်ပြုသောအားဖြင့် နေပြည်တော် အထွေထွေအုပ်ချုပ်ရေးဦးစီးဌာနမှ ဝန်ထမ်းများက ယမန်နေ့ မွန်းလွဲပိုင်းတွင် ပြည်ထောင်စုနယ်မြေ၊ နေပြည်တော် ခုတင် (၁၀၀၀) အထွေထွေရောဂါကုဆေးရုံကြီး၌ စုပေါင်းသွေးလှူဒါန်းကြရာ နေပြည်တော် အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူး ဦးညီညီမင်းနှင့် တာဝန်ရှိသူများက ကြည့်ရှုအားပေးသည်။
စုပေါင်းသွေးလှူဒါန်းရာတွင် နေပြည်တော် အထွေထွေအုပ်ချုပ်ရေးဦးစီးဌာနရုံးများမှ သွေးအလှူရှင် ၁၅ ဦး ပါဝင်လှူဒါန်းခဲ့ပြီး အဆိုပါသွေးလှူဒါန်းပွဲသို့ နေပြည်တော် အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူး ဦးညီညီမင်းနှင့် တာဝန်ရှိသူများ၊ ဆေးရုံအုပ်ကြီးနှင့် တာဝန်ရှိသူများ၊ နေပြည်တော်၊ အမျိုးသမီးရေးရာအဖွဲ့မှ တာဝန်ရှိသူများက သွေးလှူဒါန်းနေမှုများကို လိုက်လံကြည့်ရှုအားပေးကာ စားသောက်ဖွယ်ရာနှင့် ဆေးဝါးများပေးအပ်သည်။
ထို့နောက် ကျန်းမာရေးဝန်ကြီးဌာန၊ ဒုတိယညွှန်ကြားရေးမှူးချုပ်(ကုသရေး) ဒေါက်တာမိုးခိုင်က သွေးလှူဒါန်းမှုအတွက် ဂုဏ်ပြုမှတ်တမ်းလွှာ ပေးအပ်ခဲ့ကြောင်း သိရသည်။
အောင်သူရဦး
https://t.me/MyanmarNationalPost
No comments:
Post a Comment