ကော့ကရိတ်၊ မတ် ၂၄
၂၀၂၄-၂၀၂၅ ပညာသင်နှစ်၊ အခြေခံပညာ အထက်တန်း/ အလယ်တန်း/ မူလတန်းဆင့် သင်ကြားသင်ယူမှုထိရောက်ရေး ဘာသာရပ်စွမ်းရည်မြှင့် ဆွေးနွေးပွဲသင်တန်း အခမ်းအနားကို ယနေ့နံနက် ၉:၀၀ နာရီအချိန်က ကော့ကရိတ်မြို့၊ အမှတ်(၂) အခြေခံပညာအထက်တန်းကျောင်း၌ ပြုလုပ်ကျင်းပရာ ကော့ကရိတ်ခရိုင်/မြို့နယ်အုပ်ချုပ် ရေးမှူး၊ ခရိုင်/မြို့နယ်ပညာရေးမှူး၊ ဌာနဆိုင်ရာမှ တာဝန်ရှိသူများနှင့် သင်တန်းသား/သင်တန်းသူ၊ ဆရာ၊ဆရာမများ တက်ရောက်ခဲ့ကြကြောင်း သိရသည်။
အခမ်းအနားတွင် ဒုတိယခရိုင် အုပ်ချုပ်ရေးမှူး ဦးမိုးကျော်အောင်က အဖွင့်အမှာစကား ပြောကြားပြီး ခရိုင်ပညာရေးမှူး ဦးခွန်အောင်မျိုးဆွေက ဆရာ/ဆရာမများ သင်ကြားမှုနည်းစနစ် စွမ်းရည်များ ဖွံ့ဖြိုးတိုးတက်လာစေရေး၊ ဘာသာရပ်အလိုက် ထူးချွန်ထက်မြက်စွမ်းဆောင်ရည် မြင့်မားလာစေရေး၊ နိုင်ငံ့သားကောင်းရတနာများ ဖြစ်ထွန်းပေါ်ပေါက်လာအောင် မြှင့်တင်ဆောင်ရွက်ပေးနိုင်ရန် ရည်ရွယ်၍ ဆွေးနွေးပွဲများ ဆောင်ရွက်ရခြင်းဖြစ်ကြောင်း ထပ်ဆင့်အမှာစကား ပြောကြားသည်။
အဆိုပါ ဘာသာရပ်စွမ်းရည်မြှင့်ဆွေးနွေးပွဲကို ကော့ကရိတ်မြို့ အမှတ်(၂) အခြေခံပညာအထက်တန်းကျောင်းတွင် ထက်/လယ်/မူအဆင့် သင်တန်းနည်းပြ (၃၀) ဦး၊ သင်တန်းသား/သူ (၃၄၆) ဦးနှင့် ကျုံဒိုးမြို့ အခြေခံပညာအထက်တန်းကျောင်းတွင် လယ်/မူအဆင့် သင်တန်းနည်းပြ (၂၈) ဦး၊ သင်းတန်သား/သူ (၅၅၄) ဦးတို့ဖြင့် သင်ရိုးညွန်းတမ်းအတိုင်း မတ်လ (၂၄) ရက်နေ့မှ မတ်လ (၂၈) ရက်နေ့ထိ ဆွေးနွေးပို့ချသွားမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
ခရိုင်
Join - https://t.me/MyanmarNationalPost
No comments:
Post a Comment