နတ်မောက်မြို့နယ်၌ ၂၀၂၅ ခုနှစ်၊ တက္ကသိုလ်ဝင်စာမေးပွဲ မြန်မာစာဘာသာရပ် စတင်ဖြေဆို

နတ်မောက်၊ မတ် ၁၇

မကွေးတိုင်းဒေသကြီး၊ နတ်မောက်မြို့နယ်၌ ၂၀၂၅ ခုနှစ် တက္ကသိုလ်ဝင်စာမေးပွဲ မြန်မာစာဘာသာရပ်ကို ယနေ့နံနက် ၉ နာရီအချိန်က အခြေခံပညာအထက်တန်းကျောင်း (အောင်ဆန်)စာစစ်ဌာနတွင် ကျောင်းသား/သူများ စတင်ဖြေဆိုလျက်ရှိကြောင်း သိရသည်။

အဆိုပါ တက္ကသိုလ်ဝင်စာမေးပွဲကို မတ်(၁၇)ရက်တနင်္လာနေ့တွင် မြန်မာစာဘာသာရပ်၊ (၁၈)ရက်အင်္ဂါနေ့တွင် အင်္ဂလိပ်စာဘာသာရပ်၊ (၁၉)ရက်နေ့ ဗုဒ္ဓဟူးနေ့တွင် သင်္ချာဘာသာရပ်၊ (၂၀) ရက်ကြာသပတေးနေ့တွင် ဓာတုဗေဒဘာသာရပ်နှင့် ပထဝီဝင်ဘာသာရပ်၊ (၂၁) ရက်သောကြာနေ့တွင် ရူပဗေဒဘာသာရပ်နှင့် သမိုင်းဘာသာရပ်၊ (၂၂) ရက်စနေနေ့တွင် ဇီဝဗေဒဘာသာရပ်နှင့် ဘောဂဗေဒဘာသာရပ်တို့ကို အသီးသီးဖြေဆိုကြမည်ဖြစ်ရာ နတ်မောက်မြို့နယ်၌ ၂၀၂၅ ခုနှစ်၊ တက္ကသိုလ်ဝင် စာမေးပွဲဖြေဆိုမည့် ကျောင်းသား/သူ စာရင်းရှိ (၄၇၄) ဦးဖြစ်ပြီး မြန်မာစာဘာသာရပ်ဖြေဆိုရာတွင် ကျောင်းသား (၁၇၂) ဦးနှင့် ကျောင်းသူ (၂၉၁) ဦးစုစုပေါင်း (၄၆၃) ဦးဖြစ်ရာ ပျက်ကွက်ကျောင်းသား/သူ (၁၁) ဦး‌ဖြေဆိုသည့်ရာခိုင် နှုန်း(၉၇.၆၈)ဖြစ်ကြောင်း သိရသည်။

ထိုသို့ တက္ကသိုလ်ဝင်စာမေးပွဲဖြေဆိုသည့် ကျောင်းသား/သူများ ဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် ဌာနဆိုင်ရာများ၊ မြို့နယ်ရဲတပ်ဖွဲ့ဝင်များ၊ မြို့နယ်ကျန်းမာရေး ဆရာ/မများ၊ မြို့နယ်မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများနှင့် အဖွဲ့ဝင်များ ဝိုင်းဝန်းဆောင်ရွက်ပေးလျက်ရှိကြောင်း သိရသည်။

လှဝင်း

https://t.me/MyanmarNationalPost