ရန်ကုန်၊ မတ် ၂၇
၂၀၂၆ အာရှဖလား အမျိုးသမီး ခြေစစ်ပွဲစဉ်များကို ယနေ့ မွန်းလွဲပိုင်းက မလေးရှားနိုင်ငံ၊ ကွာလာလမ်ပူမြို့တွင် ရေးဆွဲ ထုတ်ပြန်ခဲ့ရာ မြန်မာအသင်းသည် အုပ်စု( C)တွင် ဘာရိန်း၊ ဘင်္ဂလားဒေ့ရှ်၊ တာ့ခ်မင်နစ္စတန်တို့နှင့် အတူ ကျရောက်ခဲ့သည်။
ခြေစစ်ပွဲဝင်မည့် ၃၄ သင်းကို ၅သင်းပါ ၂ အုပ်စု၊ ၄သင်းပါ ၆ အုပ်စုခွဲပြီး ရေးဆွဲခဲ့ခြင်းဖြစ်ရာ ခြေစစ်ပွဲစဉ်များအား အိမ်ရှင်အဖြစ် မြန်မာ၊ ကမ္ဘောဒီးယား၊ အင်ဒိုနီးရှား၊ ဂျော်ဒန်၊ တာဂျစ်ကစ္စတန်၊ ထိုင်း၊ ဥဇဘက်ကစ္စတန်နှင့်ဗီယက်နမ်တို့က လက်ခံကျင်းပသွား မည်ဖြစ်သည်။
အုပ်စု ၁ ခုစီမှ ပထမရ အသင်း ၈ သင်း ခြေစစ်ပွဲ အောင်မည်ဖြစ်ပြီး ၂၀၂၆ အာရှဖလား အိမ်ရှင်ဩစတြေးလျ၊ ပြီးခဲ့သည့် ၂၀၂၂ ပြိုင်ပွဲတွင် ဗိုလ်စွဲခဲ့သည့် တရုတ်၊ ဒုတိယ နှင့် တတိယရခဲ့သည့် တောင် ကိုရီးယားနှင့် ဂျပန်တို့သည် နောက်ဆုံးအဆင့်သို့ တိုက်ရိုက်ဝင်ခွင့်ရရှိထားသည်။
ခြေစစ်ပွဲစဉ်များကို ၂၀၂၅၊ ဇွန် ၂၃မှ ဇူလိုင် ၅ ရက်အထိကျင်းပပြုလုပ်မည်ဖြစ်ပြီး နောက်ဆုံးအဆင့်ပွဲစဉ်များကို ဩစတြေးလျနိုင်ငံ၊မြို့ကြီး ၃ မြို့တွင် ၂၀၂၆ ၊ မတ် ၁ မှ ၂၆ ရက်အထိ ပြုလုပ်သွားမည် ဖြစ်သည်။
https://t.me/MyanmarNationalPost
No comments:
Post a Comment