တောင်တွင်းကြီး၊ မတ် ၂၇
မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်တွင် တရားမဝင်ဆင်းကတ်များ ရောင်းချမှုစစ်ဆေးရေးအဖွဲ့သည် မြို့နယ်အတွင်းရှိ ဖုန်းအရောင်းဆိုင်များနှင့် ဆင်းကတ်အရောင်းဆိုင်များ၌ ဆင်းကတ်များ မှတ်ပုံတင်ရောင်းချခြင်း ရှိ / မရှိနှင့် တရားမဝင်ဆင်းကတ်များ ရောင်းချမှုမရှိစေရေးအတွက် ယမန်နေ့ နံနက်ပိုင်းက ကွင်းဆင်းစစ်ဆေးခဲ့သည်။
ထိုသို့ စစ်ဆေးဆောင်ရွက်ရာတွင် ဆင်းကတ်ရောင်းချသူများမှ သုံးစွဲသူများ၏ ကိုယ်ရေးအချက်အလက် မှန်ကန်စွာဖြင့် ဆင်းကတ်မှတ်ပုံတင်ခြင်း၊ ရောင်းချခြင်း၊ လွဲပြောင်းခြင်းတို့နှင့်ပတ်သတ်၍ လိုက်နာရမည့် အမိန့်ကြော်ငြာစာ၊ အမိန့်၊ ညွန်ကြားချက်နှင့် လုပ်ထုံးလုပ်နည်းများအတိုင်း တိကျစွာလိုက်နာမှု ရှိ/မရှိ စစ်ဆေးခြင်း၊ သက်ဆိုင်ရာအော်ပရေတာနှင့် စာချုပ်ချုပ်ဆိုထားခြင်းမရှိသည့် ဆင်းကတ်အရောင်းဆိုင်များနှင့် အရောင်းကိုယ်စားလှယ်များမှ ဆင်းကတ်ရောင်းချခြင်းမပြုစေရန်၊ ကြိုတင်မှတ်ပုံတင်ထားသော ဆင်းကတ်များရောင်းချမှုမရှိစေရေးနှင့် ဆင်းကတ်များကို ဆင်းကတ်မှတ်ပုံတင်ခြင်းဆိုင်ရာ ညွန်ကြားချက်များနှင့်အညီ မှတ်ပုံတင်ရောင်းချမှု ရှိ/မရှိ စစ်ဆေးခြင်း၊ ဆင်းကတ်များကို စနစ်တကျ မှတ်ပုံတင်ရောင်းချခြင်းနှင့် လွဲပြောင်းရာတွင် စနစ်တကျ ပြန်လည်မှတ်ပုံတင်ခြင်း အမိန့်ကြော်ငြာစာအမှတ် ၁၈/၂၀၂၃ ကို ဖြန့်ဝေ၍ အသိပညာပေးခဲ့ပြီး လိုက်နာဆောင်ရွက်မှုမရှိပါက ဆက်သွယ်ရေးဥပဒေပုဒ်မ ၇၂ အရ အရေးယူဆောင်ရွက်သွားမည်ဖြစ်ကြောင်း မြို့နယ်အတွင်းရှိ ဆင်းကတ်အရောင်းဆိုင်များ အသိပညာပေး ဆွေးနွေးပြောကြားခဲ့သည်။
နောင်နောင်(ဗိဿနိုးမြေ)
https://t.me/MyanmarNationalPost
No comments:
Post a Comment