အမျိုးသားသဘာဝဘေး အန္တရာယ်ဆိုင်ရာစီမံခန့်ခွဲမှုကော်မတီဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း ရှမ်းပြည်နယ်(တောင်ပိုင်း)အတွင်းရှိ ငလျင်ဒဏ်သင့်နေရာများအား သွားရောက်ကြည့်ရှုစစ်ဆေး၍ လိုအပ်သည်များ လမ်းညွှန်မှာကြား

နေပြည်တော်၊ မတ် - ၃၁

မတ် ၂၈ ရက်နေ့တွင်ဖြစ်ပေါ်ခဲ့သည့် အင်အားအလွန်ပြင်းထန်သော မြေငလျင်နှင့် နောက်ဆက်တွဲငလျင်ငယ်များ လှုပ်ရှားမှုကြောင့် စစ်ကိုင်းတိုင်းဒေသကြီး၊ မန္တလေးတိုင်း ဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်အရှေ့မြောက်ဒေသ၊ နေပြည်တော် ကောင်စီနယ်မြေ၊ ပဲခူးတိုင်းဒေသကြီးတို့၌ ငလျင်ဒဏ်သင့်ခဲ့ရပြီး လမ်းတံတား၊ အဆောက်အဦများ ထိခိုက်ပျက်စီးခဲ့ရကာ ပြည်သူအချို့ အသက်သေဆုံးခဲ့ရမှုများနှင့် ထိခိုက်ဒဏ်ရာရရှိမှုများဖြစ်ပေါ်ခဲ့ရသဖြင့် ရှာဖွေကူညီကယ်ဆယ်ရေးလုပ်ငန်းများကို သက်ဆိုင်ရာနယ်မြေအလိုက်ဆောင်ရွက်လျက်ရှိသည်။

ထိုသို့ဆောင်ရွက်လျက်ရှိရာ အမျိုးသားသဘာဝဘေး အန္တရာယ်ဆိုင်ရာစီမံခန့်ခွဲမှု ကော်မတီဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း သည် ကာကွယ်ရေးဦးစီးချုပ်ရုံးမှ တပ်မတော်အရာရှိကြီး များ၊ ဒုတိယဝန်ကြီးများနှင့် တာဝန်ရှိသူများလိုက်ပါ၍ ယနေ့နံနက်ပိုင်းတွင် ထိခိုက် ပျက်စီးဆုံးရှုံးမှုရှိခဲ့ရသည့် ရှမ်းပြည်နယ်(တောင်ပိုင်း)၊ အောင်ပန်းနှင့် ညောင်ရွှေမြို့နယ် များသို့ သွားရောက်ကာ ငလျင်ဒဏ် ကြောင့်ထိခိုက်ပျက်စီးဆုံးရှုံးခဲ့ရမှုများကို ကြည့်ရှု စစ်ဆေး၍ အားပေးစကားပြောကြားခဲ့သည်။

ဦးစွာ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ်နှင့် အဖွဲ့ဝင်များသည် အောင်ပန်းမြို့သို့ရောက်ရှိရာ ရှမ်းပြည်နယ်ဝန်ကြီးချုပ် ဦးအောင်အောင်၊ အရှေ့ပိုင်းတိုင်းစစ်ဌာနချုပ် တိုင်းမှူးနှင့် တာဝန်ရှိသူများက ကြိုဆိုနှုတ်ဆက်ကြသည်။

ထို့နောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ်နှင့် အဖွဲ့ဝင်များသည် အောင်ပန်းမြို့ရှိ ဟိုတယ်အောင်ပန်း ငလျင်ဒဏ်ကြောင့် ပြိုကျပျက်စီး မှုအခြေအနေများ၊ ကူညီကယ်ဆယ်ရေးလုပ်ငန်းများကို စက်ယန္တရားကြီးများ အသုံးပြု၍ ဆောင်ရွက်နေမှုအခြေအနေမျာကို ကြည့်ရှုစစ်ဆေးပြီး အောင်ပန်းမြို့နယ်သို့ လုပ်ငန်း ကိစ္စဖြင့် ရောက်ရှိနေသည့် မြန်မာနိုင်ငံအင်ဂျင်နီယာကောင်စီအဖွဲ့ဝင် ဦးမျိုးမြင့် နှင့် ကူညီကယ်ဆယ်ရေးအဖွဲ့များမှ တာဝန်ရှိသူများ၏ တင်ပြချက်များအပေါ် လိုအပ် သည်များ လမ်းညွှန်မှာကြားသည်။

ဆက်လက်၍ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့် အဖွဲ့ဝင်များသည် အောင်ပန်းမြို့၊ အောင်ချမ်းသာစာသင်တိုက်ကျောင်းဝန်းအတွင်းရှိ ငလျင်ဒဏ်သင့် သာသနာဟိတကာရီကျောင်း ၃ ထပ်ဆောင် ပျက်စီးမှုအခြေအနေများကို ကြည့်ရှု စစ်ဆေးပြီး စာသင်သားသံဃာတော်များ အဆင်ပြေချောမွေ့စေရေး စာအံ သင်ကြားနိုင်ရေးအတွက် အင်ဂျင်နီယာပညာရှင်များဖြင့် အမြန်ဆုံးပြုပြင်တည်ဆောက် နိုင်ရေး၊ ပြိုကျနိုင်မည့်အန္တရာယ်ရှိ အဆောက်အဦများအနီးတစ်ဝိုက် အန္တရာယ်ကင်းဇုန် သတ်မှတ်ထားရှိရေးနှင့် အခြားလိုအပ်သည်များကို တာဝန်ရှိသူများအား လမ်းညွှန်မှာ ကြားသည်။

ထို့နောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ်နှင့် အဖွဲ့ဝင်များသည် ကျောင်းတိုက်ဆရာတော် ဘဒ္ဒန္တ ပညာဝံသအား သွားရောက်ဖူးမြော် ကြည်ညိုပြီး ငလျင်ဒဏ်သင့်ကျောင်းတိုက်အဆောက်အဦများအား အမြန်ဆုံးပြန်လည် ပြုပြင်နိုင်မည့် အခြေအနေများ၊ သံဃာတော်များ ဆွမ်း၊ ကွမ်း အဆင်ပြေရေးအတွက် စီမံဆောင်ရွက်ပေးသွားမည့် အခြေအနေများနှင့် သာသနာရေးဆိုင်ရာများကို လျှောက်ထားပြီး ဆရာတော်အား လှူဖွယ်ပစ္စည်းများနှင့် အလှူငွေများ ပေးအပ် လှူဒါန်းပြီး အဆိုပါကျောင်းတိုက်အတွင်းရှိ ပိဋိကတ်ဂုဏ်ရည်ကျောင်းတော်နှင့် အခြားသာသနိက အဆောက်အဦများ၏ ကြံ့ခိုင်ကောင်းမွန်မှု အခြေအနေများကို လိုက်လံ ကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်းဆောင်ရွက် ပေးသည်။ အဆိုပါ စာသင်တိုက်၌ သံဃာတော် ၃၇၅ ပါး သီတင်းသုံးစာဝါလိုက်လျက် ရှိကြောင်းသိရသည်။

ဆက်လက်၍ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့် အဖွဲ့ဝင်များသည် အောင်ပန်းမြို့၊ တပ်မတော်ဆေးရုံ၌ တက်ရောက်ဆေးကုသမှု ခံယူလျက် ငလျင်ဒဏ်ကြောင့် ထိခိုက်ဒဏ်ရာရရှိခဲ့သော အရပ်သားပြည်သူ ၂၈ ဦးတို့အား ကျန်းမာရေးစောင့်ရှောက်ပေးနေမှု အခြေအနေများ၊ ရောဂါသက်သာပျောက်ကင်းမှု အခြေအနေများကို တစ်ဦးချင်းရင်းရင်းနှီးနှီး မေးမြန်းအားပေးစကားပြောကြားကာ စားသောက် ဖွယ်ရာများ ပေးအပ်သည်။ ထို့နောက် နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ်နှင့် အဖွဲ့ဝင်များသည် ဆေးရုံတက်လူနာများနှင့် ဆေးရုံ အနီးဝန်းကျင် ရှိ ပြည်သူများ သန့်ရှင်းသောသောက်သုံးရေလုံလောက်စွာရရှိရေးအတွက် စေတနာရှင် ကမ္ဘောဇအလင်းအဖွဲ့မှ စက်ရေတွင်းတူးဖော်စက်ယန္တယားဖြင့် တူးဖော်နေမှု အခြေအနေများကို ကြည့်ရှုစစ်ဆေးကာ တူးဖော်ရေးအဖွဲ့အား ချီးမြှင့်ငွေများ ပေးအပ်သည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့်အဖွဲ့ဝင်များသည် အင်းလေးဒေသသို့ ရဟတ်ယာဉ်၊ စက်လှေများဖြင့် သွားရောက်၍ ငလျင်ဒဏ်ကြောင့် ပျက်စီးဆုံးရှုံးမှုအခြေအနေများအား ကြည့်ရှုစစ်ဆေးသည်။

ဦးစွာ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့်အဖွဲ့ဝင်များသည် ညောင်ရွှေမြို့နယ်၊ ကေလာကျေးရွာသို့ ရောက်ရှိကြပြီး ကျေးရွာ အတွင်း ငလျင်ဒဏ်ကြောင့် နေအိမ်အဆောက်အဦများ ပြိုကျပျက်စီးမှုများကို စက်လှေ များဖြင့် လှည့်လည်ကြည့်ရှုကြသည်။ ထို့နောက် ကျေးရွာဘုန်းတော်ကြီးကျောင်း၌ ရောက်ရှိနေသည့် ငလျင်ဘေးသင့်ပြည်သူများနှင့် တွေ့ဆုံကာ နိုင်ငံတော်ဝန်ကြီးချုပ်၏ လမ်းညွှန်မှုဖြင့် လိုအပ်သည့် ကူညီကယ်ဆယ်ရေးနှင့် ပြည်ထည်ထူထောင်ရေး လုပ်ငန်းများ ဆောင်ရွက်ပေးနိုင်ရန် လာရောက် ကြည့်ရှုစစ်ဆေးခြင်းဖြစ်ကြောင်း ဦးစွာ ရှင်းလင်းပြောကြားပြီး ပြန်လည်ထူထောင်ရေး လုပ်ငန်းများဆောင်ရွက်ရာတွင် လက်ရှိ နေအိမ်အဆောက်အဦ အပျက်အစီးများအား ဦးစွာ ဖယ်ရှားရှင်းလင်းခြင်း၊ အန္တရာယ်ရှိ သည့် နေအိမ်အဆောက်အဦ၊ သာသနိကအဆောက်အဦများအား ပြုပြင်၍ ရနိုင်မည့် အခြေအနေ စစ်ဆေးခြင်း၊ ပြုပြင်ရန်မသင့်က ဖျက်သိမ်းခြင်း၊ အနည်းဆုံးပျက်စီး မှုအဆောက်အဦနှင့် သာသနိကအဆောက်အဦများအား အမြန်ဆုံးပြန်လည်တည် ဆောက်ခြင်းစသည့် လုပ်ငန်းအဆင့်အလိုက် တစ်ဆင့်ပြီးတစ်ဆင့် အမြန်ဆုံး ဆောင်ရွက် ပေးသွားမည်အခြေအနေများ၊ နေထိုင်စားသောက်ရေးနှင့်ပတ်သက်၍ အခြေခံစားကုန် များနှင့် သန့်ရှင်းသောသောက်သုံးရေရရှိရေး အစားအသောက်များ၊ နန်းပန်လှေဆိပ် ဟိုတယ်ဇုန်၌ ပြည်နယ်ကျေးလတ်နှင့်သမာဝါယမဦးစီးဌာနမှ ရွှေ့လျား ရေသန့်စက်ယာဉ် အသင့်ထားရှိ ဖြန့်ဝေပေးသွားမည့်အခြေအနေများ၊ နိုင်ငံတကာမှ ထောက်ပံ့ လှူဒါန်းသည့် ပစ္စည်းများအား ဆက်လက်ဖြန့်ဝေပေးသွားမည့် အခြေအနေများ၊ အမျိုးသားသဘာဝ ဘေးအန္တရာယ်ဆိုင်ရာစီမံခန့်ခွဲမှု ကော်မတီမှ ပေးအပ်သည့် ပစ္စည်းများနှင့် ထောက်ပံ့ငွေများ ရရှိရေး စီမံဆောင်ရွက်သွားမည့်အခြေအနေများ၊ ဘုန်းတော်ကြီးကျောင်းများ၊ စာသင်ကျောင်းများနှင့် ဆေးပေးခန်းများ အမြန်ဆုံး ပြန်လည်ပြုပြင်ဖွင့်လှစ်နိုင်ရေး စီမံဆောင်ရွက်ပေးသွားမည့် အခြေအနေများ၊ အပျက်အစီး စာရင်း ကောက်ယူရေးအဖွဲ့များ စာရင်းလာရောက်ကောက်ယူချိန်တွင် အချက်အလက် ပြည့်စုံမှန်ကန်စွာ စာရင်းပေးသွင်းရေးနှင့် ပြန်လည်တည်ဆောက်ရေးလုပ်ငန်းများ ဆောင်ရွက်ရာတွင် ဒေသခံပြည်သူများမှ ပူးပေါင်းပါဝင်ဆောင်ရွက်ပေးရေးနှင့် အခြားလို အပ်သည်များကို ကူညီဆောင်ရွက်ပေးသွားမည့်အခြေအနေများကို ရှင်းလင်းဆေးနွေး ပြောကြားပြီး ဒေသခံပြည်သူများ၏ တင်ပြချက်များအပေါ် လိုအပ်သည်များ ပေါင်းစပ် ညှိနှိုင်းဖြည့်ဆည်း ဆောင်ရွက်ပေးပြီး ရင်းရင်းနှီးနှီး လိုက်လံနှုတ်ဆက်အားပေး စကားပြောကြားသည်။ ထို့နောက် ကေလာကျေးရွာ အခြေခံပညာအထက်တန်း ကျောင်း(ခွဲ)ရှိ ငလျင်ဒဏ်ကြောင့် ပြိုလဲပျက်စီးနေသည့် (၁၂၀ ပေ ­X ၃၀ ပေ) ၄ ခန်းတွဲ ၅ ဆောင် အခြေအနေတို့ကို သွားရောက်ကြည့်ရှုစစ်ဆေးပြီး ကျောင်းအုပ်ဆရာမကြီးနှင့် တာဝန်ရှိသူများ၊ အင်ဂျင်နီယာပညာရှင်များနှင့် ၂၀၂၅-၂၀၂၆ ပညာသင်နှစ်အမှီ ကျောင်း စာသင်ကြားနိုင်ရေး ပြုပြင်ဆောင်ရွက်ရမည့် လုပ်ငန်းများအား  ပေါင်းစပ်ညှိနှိုင်းဆောင် ရွက်ပေးသည်။

ဆက်လက်၍ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့်အဖွဲ့ဝင်များသည် ဇရပ်ကြီးကျေးရွာ ဘုန်းတော်ကြီးကျောင်း ငလျင်ဒဏ်ကြောင့် ပြိုကျပျက်စီးနေမှုများ၊ နယ်မြေခံတပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် မီးသတ်တပ်ဖွဲ့ဝင်များက ကူညီကယ်ဆယ်ရေးလုပ်ငန်းဆောင်ရွက်နေမှုများကို သွားရောက် ကြည့်ရှုအားပေးပြီး ကျောင်းတိုက်ဆရာတော် ဘဒ္ဒန္တ သုဿဒန ထံ ဆွမ်း၊ ကွမ်း ဝေယျာဝစ္စအတွက် နဝကမ္မအလှူငွေများ ဆက်ကပ်လှူဒါန်းပြီး ကူညီကယ်ဆယ်ရေးအဖွဲ့ များအတွက် စားသောက်ဖွယ်ရာများနှင့် ဂုဏ်ပြုချီးမြှင့်ငွေများ ပေးအပ်သည်။

ထို့နောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့်အဖွဲ့ဝင်များသည် ရတနာစံကျောင်းတော်ကြီးရှိ အင်းလေးဖောင်တော်ဦးမြတ်စွာ ဘုရားသို့ရောက်ရှိကြပြီး ပန်း၊ ရေချမ်းများနှင့် ရွှေသင်္ကန်းများ ကပ်လှူပူဇော်ကြပြီး ဆရာတော် ဘဒ္ဒန္တ ဝိဇယ အား ဖူးမြော်ကြည်ညိုကြကာ လှူဖွယ်ပစ္စည်းများနှင့် အလှူငွေများ ဆက်ကပ်လှူဒါန်းကြသည်။ ၎င်းနောက် ဘုရားရင်ပြင်တော်ရှိ နေပူခံ  ကျောက်ပြားများ ငလျင်ဒဏ်ကြောင့် ကွဲအက်ပျက်စီးနေမှုအခြေအနေများ၊ မုဒ်ဦးများ၊ လှေကားများ၊ ကရဝိတ် ဖောင်တော်ထားရှိရာအဆောင်နှင့် အခြားသာသနိက အဆောက်အဦများ ပြိုကျ ပျက်စီးနေမှုအခြေအနေများ၊ အင်းလေးကန် ရေရှည်တည်တံ့ရေးနှင့် စိမ်းလမ်းစိုပြေစေရေးတို့အတွက် စက်ယန္တရားများဖြင့် နုန်းမြေများအား ရေလမ်းကြောင်းကောင်းမွန်စေရေး ဆောင်ရွက် နေမှုများကို လိုက်လံကြည့်ရှုစစ်ဆေးကာ ပြိုကျပျက်စီးနေသည့် သာသနိက အဆောက် အဦများအား နယ်မြေခံ ပြည်နယ်အင်ဂျင်နီယာများကြားနှင့် အဖွဲ့များ၊ မြန်မာနိုင်ငံအင်ဂျင်နီယာ အသင်းမှ ပညာရှင်များဖြင့် ဆွေးနွေးတိုင်ပင်၍ မူလလက်ယာမပျက် အမြန်ဆုံး ပြန်လည်ပြုပြင်သွားရန်၊ ဘုရားဖူးပြည်သူများ အန္တရာယ်ကင်းရှင်းစွာ လာရောက်ဖူးမြော် နိုင်ရန်အတွက် ပြုပြင်ခြင်းလုပ်ငန်းများကို အမြန်ဆုံးဆောင်ရွက်သွားရန်နှင့် အခြားလိုအပ် သည်များကို တာဝန်ရှိသူများအား လမ်းညွှန်မှာကြားသည်။ ထို့နောက် နယ်မြေခံ တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် မီးသတ်တပ်ဖွဲ့ဝင်များက ကူညီ ကယ်ဆယ်ရေးလုပ်ငန်း ဆောင်ရွက်နေမှုများကို သွားရောက် ကြည့်ရှုအားပေးကာ စားသောက်ဖွယ်ရာများနှင့် ဂုဏ်ပြုချီးမြှင့်ငွေများ ပေးအပ်သည်။

အင်းလေးဖောင်တော်ဦးမြတ်စွာဘုရား ကိန်းဝပ်သတင်းသုံးတော်မူရာ ရတနာ စံကျောင်းတော်ကြီးအား အင်ဂျင်နီယာပညာရှင်များ၊ ပြည်နယ်ဆည်မြောင်းဦးစီးဌာနမှ တာဝန်ရှိသူများ၊ ပြည်နယ်သယံဇာတနှင့် သဘာဝပတ်ဝန်းကျင်ထိန်းသိမ်းရေးဌာန အောက်ရှိ ဘူမိဗေဒ ပညာရှင်များ၏ ပဏာမစစ်ဆေးချက်အရ ပင်မစံကျောင်းတော်၏ ခိုင်မြဲမှုအခြေအနေမှာ ကောင်းမွန်လျက်ရှိပြီး မြောက်အရပ်ပင်မလှေကားထိပ်နှင့် ပင်မစံကျောင်းတော်ထိစပ် နေရာ၌ အနည်းငယ်ထိခိုက်မှုရှိပြီး ကျန်အရှေ့၊ အနောက်၊ တောင်ဘက်အရပ်မျက်နှာရှိ လှေကားထိပ်နှင့် စံကျောင်းတော်မှာ မူလကပင် တွဲဆက်  ထားခြင်းမဟုတ်သည့်အတွက် ၃ လက်မမှ ၆ လက်မ အထိ ကွာဟနေသည့် အနေအထား ရှိကြောင်း စိစစ်တွေ့ရှိရသည်။ အဆိုပါအခြေအနေအား ကုန်ကျစရိတ်သက်သာဆုံးနှင့် အမြန်ဆုံးပြန်လည်ပြုပြင်နိုင်မည့် နည်လမ်းများရှိကြောင်း သိရှိရပြီး လုပ်ငန်းအသေးစိတ် တို့အား ပြည်နယ်ဝန်ကြီးချုပ် ဦးဆောင်၍ ပြည်နယ်အဆင့် DMC အဖွဲ့ဝင်များ၊ ပညာရှင်များက ဆက်လက်ဆွေးနွေး၍ အမြန်ဆုံးအကောင်အထည်ဖော်ဆောင်ရွက်သွား မည်ဖြစ်ကြောင်း သိရှိရသည်။

ဆက်လက်၍ နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့် အဖွဲ့ဝင်များသည် ညောင်ရွှေမြို့နယ်၊ နန်းပန်မြို့၊ နန်းပန်-အင်းလေး ပြည်သူ့ဆေးရုံသို့ ရောက်ရှိရာ ဆေးရုံမှ တာဝန်ရှိသူများက ကြိုဆိုနှုတ်ဆက်ကြသည်။ ထို့နောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ်နှင့် အဖွဲ့ဝင်များသည် တက်ရောက်ဆေးကုသမှုခံယူလျက် ငလျင်ဒဏ်ကြောင့် ထိခိုက်ဒဏ်ရာ ရရှိခဲ့သော အရပ်သားပြည်သူ ၁၈ ဦး ကျန်းမာရေးစောင့်ရှောက်မှု အခြေအနေများ၊ ရောဂါသက်သာ ပျောက်ကင်းမှု အခြေအနေများကို တစ်ဦးချင်းရင်းရင်းနှီးနှီးမေးမြန်း အားပေးစကား ပြောကြားကာ ထောက်ပံ့ငွေများ ပေးအပ်ပြီး လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးသည်။

ယင်းနောက် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဝန်ကြီးချုပ် နှင့် အဖွဲ့ဝင်များသည် အရှေ့ပိုင်းတိုင်းစစ်ဌာနချုပ် ဧည့်ခန်းမတွင် ပြည်နယ်အဆင့် သဘာဝဘေးအန္တရာယ်ဆိုင်ရာ အဖွဲ့များအား သွားရောက်တွေ့ဆုံအမှာစကားပြော ကြားသည်။

ထိုသို့ အမှာစကားပြောကြားရာတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်၏ ငလျင်ဘေးနှင့်ပတ်သက်၍ ချမှတ်ထားသည့် မူဝါဒများကို သိရှိစေရန်နှင့် ယခုခရီးစဉ်အတွင်း တွေ့ရှိချက်များအပေါ် ပြန်လည်ပြုပြင်ခြင်းနှင့် ရှေ့ဆက်ဆောင်ရွက်သွားမည့် အစီအမံများ ချမှတ်ဆောင်ရွက်နိုင်ရန် လာရောက်တွေ့ဆုံ ခြင်းဖြစ်ကြောင်း၊ မတ်လ ၂၈ ရက်နေ့ ဒေသစံတော်ချိန်မွန်းလွဲ ၁၂ နာရီ ၅၁ မိနစ် ၀၂ စက္ကန့်အချိန်တွင် အင်အား ၇ ဒသမ ၇ ရစ်ချ်တာစကေးဖြင့် မန္တလေးမြေငလျင်စခန်းမှ အရှေ့မြောက်ဘက် ၂၁ ကီလိုမီတာခန့် ကွာဝေးသော မန္တလေးမြို့၏ အရှေ့မြောက်ဘက် ၂၀ ကီလိုမီတာခန့်အကွာတွင် လှုပ်ခတ်ခဲ့သည့် ငလျင်မှာ ဗဟိုချက်သည် မြေပြင်အောက် ၁၀ ကီလိုမီတာအကွာ အလွန်နီးကပ်သောကြောင့် အလွန်အားပြင်းခဲ့ကြောင်း၊ ထို့ကြောင့် မန္တလေးမြို့နှင့် စစ်ကိုင်းမြို့တို့တွင် အပျက်အစီးများစွာ ဖြစ်ပေါ်ခဲ့ရသည်ကိုတွေ့ရှိရပါကြောင်း၊ နိုင်ငံတော် ဝန်ကြီးချုပ်အနေဖြင့် ပထမဦးစားပေးအနေဖြင့် ငလျင်ဒဏ်ကြောင့်ပျက်စီးမှုများဖြစ်ပေါ် ခဲ့သည့် အပျက်အစီးအပိုင်းအစများအားလုံး အမြန်ဆုံးရှင်းလင်းဖယ်ရှားရေး၊ ဒုတိယအဆင့် အနေဖြင့် လက်ရှိအခြေအနေတွင် ပျက်စီးလုနီးပါးဖြစ်နေသည့်အပြင် အန္တရာယ်ရှိသည့် အဆောက်အဦများအား ဘေးအန္တရာယ်ကင်းစွာ အပြီးတိုင်စနစ်တကျဖြင့် ဖြိုခွဲဖျက်ဆီးရေး၊ တတိယအဆင့်အနေဖြင့် ပြန်လည်ထူထောင်ရေးလုပ်ငန်းများ ဆောင်ရွက်ရာတွင် တည်ဆောက်ရေးကဏ္ဍယခု ငလျင်ဒဏ်ခံစားရမှုအပေါ် သင်ခန်းစာ ရယူရန် လမ်း၊တံတား၊ ရုံးအဆောက်အဦ၊ အထပ်မြင့်အဆောက်အဦများအား ငလျင်ဒဏ်ခံနိုင်ရေး အတွက် မြေအနေအထားစစ်ဆေးခြင်း ပြုလုပ်ပြီးမှသာ ငလျင်ဒဏ်ခံနိုင်သည့် အဆောက်အဦများ တည်ဆောက်ရေး လုပ်ငန်းများ စနစ်တကျဆောင်ရွက်ရေးစသည့် အပိုင်းသုံးပိုင်းအား လမ်းညွှန်ချမှတ် ထားပေးထားကြောင်း၊ ပုဂ္ဂလိက အဆောက်အဦများအား ဆက်လက်နေထိုင်ရန် မသင့်လျော်ပါက ဖျက်ဆီးသင့်ကြောင်း စည်းရုံးတိုင်ပင်ပြောဆို၍ စနစ်တကျဖျက်ဆီးရန် လိုကြောင်း၊ အစိုးရရုံးဌာများအား ဆက်လက်အသုံးပြုနေထိုင်ရန် မသင့်တော့သည်များ ကို အပြည့်အဝဖျက်ဆီးသွားရန်လိုကြောင်း၊ မိမိတို့နိုင်ငံတွင် သဘာဝဘေးအန္တရာယ် အနေဖြင့် နှစ်အလိုက် ရေကြီးမှုများ၊ လေမုန်တိုင်းတိုက်ခတ်ခြင်းများ၊ ငလျင်လှုပ်ခတ်မှု များကြောင့် နိုင်ငံတော်အစိုးရ၏ ရှေ့ဆက်ဆောင်ရွက်ရမည့် နိုင်ငံတော်တိုးတက်ရေး အတွက်လုပ်ငန်းများတွင် များစွာလုပ်ငန်းတိုးတက်မှု နှောင့်နှေးမှုများ ကြုံနေရကြောင်း၊ သို့သော်လည်း သဘာဝဘေးအန္တရာယ်ဖြစ်သည့်အတွက် မည်သို့မျှ တားဆီး၍မရသောကြောင့် ထိခိုက်ပျက်စီးမှုများဖြစ်ခဲ့ရသည့် အခြေအနေတွင် ပြန်လည် ထူထောင်ရေးလုပ်ငန်းများအား သက်ဆိုင်ရာအဖွဲ့အစည်း၊ ဌာနဆိုင်ရာများနှင့်အတူ ပြည်သူများမှ ဝိုင်းဝန်းကြိုးပမ်းဆောင်ရွက်ကြရန် အလေးထားတိုက်တွန်းလိုကြောင်း ပြောကြားသည်။

ထို့နောက် ဆက်လက်ပြောကြားရာတွင် ယနေ့လက်ရှိမြင်တွေ့ခဲ့ရသည့် အောင်ပန်းမြို့တွင်း၌ အထပ်မြင့် အဆောက်အဦအပါအဝင် ပျက်စီးမှု အများအပြားမှာ ငလျင်ဒဏ်ကြောင့် လုံးဝပြိုကျပျက်စီးမှုနည်းပါးပြီး ယိုင်နဲ့သွားခြင်း၊ အထပ်လိုက်မြေကြီးတွင် နစ်မြှုပ်ခြင်းများ တွေ့ရှိရကြောင်း၊ ယခင်နှစ်တွင် ဖြစ်ပေါ်ခဲ့သည့် ရာဂီမုန်တိုင်းကြောင့် ရေကြီးရေလျှံမှုများ ဖြစ်ခဲ့သည့်အတွက်လည်း အောက်ခံမြေသားများ နိမ့်ကျကျွံဝင်မှုများလည်းရှိသည့်အတွက် ယခုငလျင်ဒဏ်ကြောင့် ပိုမိုပျက်စီးကာ အဆောက်အဦများမှာ ယိုင်လဲမှု၊ မြေနိပ်ကျွံဝင် မှုများအားတွေ့ရှိရကာ အဆိုပါဖြစ်ရပ်များအား ပြန်လည်တည်ဆောက်ရေး လုပ်ငန်းများ ဆောင်ရွက်ရာတွင် သင်ခန်းစာယူရမည်ဖြစ်ကြောင်း၊ ဆက်လက်၍ တွေ့ရှိရသည့် အင်းလေးဒေသတွင် ရေထဲတွင်ဆောက်လုပ်ထားသည့် အိမ်များအနေဖြင့် ရှိသည့်ကုန်းမြေပေါ်တွင် အောက်ခံ အမာခံမရှိဘဲ သစ်သားတိုင်များဖြင့်သာ ဆောက်လုပ်ထားပြီး အဆောက်အဦအများစုမှာ နှစ်ကြာမြင့်ခြင်းတို့ကြောင့် အိမ်များ ယိုင်လဲခြင်း၊ ယိုင်လဲရာတွင်လည်း ပတ်ဝန်ကျင် ရေထဲသို့ ယိုင်လဲသဖြင့် သေဆုံးသူအများစုမှာ ရေနစ်မွမ်း၍ သေဆုံးရသည်ကို တွေ့ရှိရ ကြောင်း၊ ကယ်ဆယ်ရေးလုပ်ငန်းများဆောင်ရွက်ရာတွင် ကုန်းပေါ်တွင်တည်ဆောက် ထားသည့် အဆောက်အဦပျက်များမှ ဒဏ်ရာရသူများအား ကယ်ဆယ်ရေးဆောင်ရွက်နိုင်သော်လည်း   ရေထဲတွင်တည်ဆောက်ထားခြင်းဖြစ်၍ ရေနစ်သေဆုံးရသည်များဖြစ်ရပြီး ကူညီကယ် ဆယ်ရေးလုပ်ငန်းဆောင်ရွက်ရန် ခက်ခဲကြောင်း၊ လက်ရှိစာရင်းများအရ ရှမ်းပြည်နယ် အတွင်း ဘုရားစေတီပေါင်း ၁၈ ဆူ ၊ ဘုန်းတော်ကြီးကျောင်းနှင့် သီလရှင်ကျောင်း ၃ ကျောင်း၊ တံတား ၁ စင်း၊ လူနေအဆောက်အဦ ၁၅၇ လုံး၊ သေဆုံးသူ ၆၅ ဦး၊ ဒဏ်ရာရ ၇၃ ဦးရှိသည်ကိုတွေ့ရကြောင်း၊ ယခုဖြစ်စဉ်ကြောင့် သေဆုံးရသည်များမှာ နိုင်ငံတော် အတွက် လူ့စွမ်းအားအရင်းအမြစ်များ များစွာဆုံးရှုံးရသည်ဟုခံစားရပါကြောင်း၊ ထို့ကြောင့် တန်ဖိုးမဖြတ်နိုင်သည့် ဆုံးရှုံးမှုပင်ဖြစ်ပါကြောင်း၊ အဆောက်အဦဆုံးရှုံးရသည်မှာ ငွေရှိ လျှင် ပြန်လည်တည်ဆောက်နိုင်သော်လည်း လူသားအရင်းအမြစ်ဆုံးရှုံးရသည်မှာ အနာဂတ်အတွက်များစွာ တန်ဖိုးမဖြတ်နိုင်သည့်ဆုံးရှုံးမှုပင်ဖြစ်ပါကြောင်း၊ သို့ဖြစ်၍ သဘာဝဘေးအန္တရာယ်တွင် ဆုံးရှုံးမှုများအား အတက်နိုင်ဆုံး အနည်းဆုံးဖြစ်အောင် ပူးပေါင်းဆောင်ရွက်သွားကြရမည်ဖြစ်ပါကြောင်း၊ ရေနှင့် နီးစပ်ရာဒေသများတွင် ကုန်းမြေ အနည်းငယ်ပေါ်တွင်သာ အဆောက်အဦတည်ဆောက်၍ သဘာဝဘေးအန္တရာယ် ကျရောက်ချိန်တွင် များစွာဆုံးရှုံးမှုများဖြစ်ရသည်ကိုတွေ့ရကြောင်း၊ ထို့သို့ဖြစ်၍ ပြန်လည် ထူထောင်ရေးလုပ်ငန်းများ ဆောင်ရွက်ချိန်တွင် ထိုကဲ့သို့နေထိုင်ကြသူများအား ဝိုင်းဝန်း အကြံပေး၍ ကုန်းမြေ ခံနိုင်မှုနှင့် အဆောက်အဦအလေးချိန် သမမျှတစွာဖြင့် အောက်ခြေခံနိုင်စွာဖြင့် တည်ဆောက်ပေးနိုင်ရေး ကူညီဆောင်ရွက် ရမည် ဖြစ်ကြောင်း။

ပြည်နယ်အဆင့် DMC အနေဖြင့် ရှာဖွေကယ်ဆယ်ရေး၊ စာရင်းကောက်ယူရေး ပြန်လည်ထူထောင်ရေး၊ ပညာရေး၊ ကျန်းမာရေး စသည့်ကော်မတီအသီးသီးဖြင့် ဖွဲ့စည်းထားပြီးဖြစ်သော်လည်း အထူးသဖြင့် စာရင်းကောက်ယူရေးလုပ်ငန်းများ ဆောင်ရွက်ရာတွင် သက်ဆိုင်ရာဌာနများအလိုက် လက်ရှိငလျင်ဒဏ်ခံနေရသည့် ဒေသမှ ဝန်ထမ်းများအား တာဝန်ပေးအပ်သည်ထက် သဘာဝဘေးအန္တရာယ်နှင့်ကင်းလွတ်သည့် အခြားတိုင်းဒေသကြီးမှ ဝန်ထမ်းများအား ခေါ်ယူ၍ တာဝန်ပေးအပ်ပါက ပိုမိုအဆင်ပြေ စေနိုင်မည်ကို အကြံပြုဆွေးနွေးလိုပါကြောင်း၊ နိုင်ငံတော်ဝန်ကြီးချုပ်အနေဖြင့်လည်း ယခုဖြစ်စဉ်ဖြစ်ပွားခဲ့သည့် ကေလာကျေးရွာအုပ်စုနှင့် နန်းပန်ကျေးရွာအုပ်စုတို့အတွက်  ဒေသခံပြည်သူများ ကျန်းမာရေးအတွက် ဆေးရုံတည်ဆောက်ပေးနိုင်ရေး မြေနေရာအား ရွေးချယ်လျာထား တင်ပြရန် လမ်းညွှန်ထားပါကြောင်း၊ လတ်တလော ကေလာဘုန်းတော်ကြီးကျောင်း၌ ယာယီဆေးရုံဖွင့်လှစ်နိုင်ရေး စီမံပေးထားမည်ဖြစ်သည့်အပြင် စဝ်စံထွန်းဆေးရုံကြီးနှင့်တပ်မတော်ဆေးရုံကြီး အမှတ်(၂/၇၀၀)တို့မှ ပါရဂူများဖြင့် နယ်လှည့်ဆေးကုသရေး အထူးအဖွဲ့ကိုလည်း အေပြီ ၁ ရက်နေ့မှ စတင်စေလွှတ်ပေးမည်ဖြစ်ကြောင်း၊ ယခုဖြစ်ပေါ်ခဲ့သည့် အင်အားပြင်းငလျင်ကြောင့် တစ်နိုင်ငံလုံးအတိုင်းအတာအနေဖြင့် သေဆုံးသူ ၂၀၀၀ ကျော်ရှိသည်ဟု သိရှိရကြောင်း၊ နိုင်ငံတော်ဝန်ကြီးချုပ်အနေဖြင့် သဘာဝဘေး ကူညီ ကယ်ဆယ်ရေးအတွက် အိမ်နီးချင်းနိုင်ငံများနှင့် အာဆီယံနိုင်ငံများအား ဖိတ်ခေါ်မှုတွင် ပြည်ပနိုင်ငံများအနေဖြင့် ကူညီကယ်ဆယ်ရေးလုပ်ငန်းများတွင် အားတက်သရော ဆောင်ရွက်နေသည်ကို တွေ့ရှိရကြောင်း၊ ထို့ကြောင့် အိမ်နီးချင်းနိုင်ငံများအနေဖြင့် မိမိတို့ နိုင်ငံအပေါ်တွင် လူသားချင်းစာနာထောက်ထားသော စေတနာအပြည့်ဖြင့် ကူညီပေးနေ သည်ကို ဝမ်းသာကြည်နူးကျေးဇူးတင်ထိုက်ဖွယ် တွေ့မြင်ရပါကြောင်း။

သို့ဖြစ်၍ ယခုလက်ရှိ သဘာဝဘေးခံစားနေရသည့် အင်းလေးဒေသရှိ ပြည်သူများ အား အမြန်ဆုံးကူညီကယ်တင်နိုင်ရေးအတွက် လူသားချင်းစာနာထောက်ထားသော စိတ်ဖြင့် ပြည်နယ် DMC အဖွဲ့၏ ဦးဆောင်မှုနှင့်အတူ ဝိုင်းဝန်းကြိုးပမ်းဆောင်ရွက်ကာ ပြန်လည်ထူထောင်ရေးလုပ်ငန်းများ၊ စိတ်ဓာတ်မြှင့်တင် ပေးရေးလုပ်ငန်းများတွင် တက်ကြွစွာ ပူးပေါင်းပါဝင်ဆောင်ရွက်သွားစေလိုကြောင်းဖြင့် ပြောကြားသည်။

ထို့နောက် တက်ရောက်လာကြသူများက ဒေသအတွင်း ပျက်စီးဆုံရှုံးမှုများနှင့် ဆက်လက်ဆောင်ရွက်သွားမည့် အစီအမံများ၊ ငလျင်ဘေးသင့်ပြည်သူများအတွက် ယာယီ တဲများ၊ သောက်သုံးရေနှင့် လျှပ်စစ်မီးရရှိရေးကိစ္စ၊ DMC မှ ထောက်ပံ့ပေးအပ်သည့် အခြေခံစားကုန်များနှင့် ထောက်ပံ့ငွေများ ပေးအပ်နိုင်ရေး၊ စာသင်ကျောင်းများနှင့် ဆေးရုံ၊ ဆေးခန်းများ အမြန်ဆုံးပြန်လည်ပြုပြင်နိုင်ရေး၊ ဟိုတယ်များတွင် ခရီးသွားပြည်သူများ အန္တရာယ်ကင်းရှင်းစွာ တည်းခိုနေထိုင်နိုင်ရေးနှင့် လုံခြုံရေးဆိုင်ရာကိစ္စရပ်များအား သက်ဆိုင်ရာကဏ္ဍအလိုက် အသီးသီးဆွေးနွေးတင်ပြကြရာ နိုင်ငံတော်စီမံအုပ်ချုပ်ရေး ကောင်စီဒုတိယဥက္ကဋ္ဌ ဒုတိယဝန်ကြီးချုပ်က လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သတင်းရရှိသည်။

#MyanmarEartquake

https://t.me/MyanmarNationalPost