ငလျင်ဘေးသင့်ပြည်သူများအတွက် ပထမအကြိမ်အလှူငွေပေးအပ်ပွဲအခမ်းအနားသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးခင်ရီတက်ရောက်ပြီး အလှူငွေ ငွေကျပ်သိန်းပေါင်း(၃၀၀၀)လှူဒါန်း

နေပြည်တော်၊ ဧပြီ ၂ 

ယနေ့ (၁-၄-၂၀၂၅)မွန်းလွဲ(၁၂:၃၀)နာရီအချိန်တွင် ပြည်ထောင်စုနယ်မြေ၊ နေပြည်တော်၊ ဥပါတသန္တိတပေါင်းကွင်း၌ ငလျင်ဘေးသင့်ပြည်သူများအတွက် ပထမအကြိမ်အလှူငွေပေးအပ်ပွဲ အခမ်းအနားပြုလုပ်ကျင်းပခဲ့သည်။ 

အဆိုပါ အလှူငွေပေးအပ်ပွဲအခမ်းအနားသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ်၊ တပ်မတော်ကာကွယ်ရေးဦးစီးချုပ်၊ ဗိုလ်ချုပ်မှူးကြီးမင်းအောင်လှိုင်၊ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ၊ ဒုတိယတပ်မတော်ကာကွယ်ရေးဦးစီးချုပ်၊ ဒုတိယဗိုလ်ချုပ်မှူးကြီးစိုးဝင်း၊ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များ၊ တပ်မတော်အကြီးအကဲများ၊ စေတနာရှင်၊ အလှူရှင်များနှင့်အတူ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးခင်ရီ တက်ရောက်ခဲ့ပြီး ငလျင်ဘေးသင့်ပြည်သူများအတွက်အလှူငွေ ငွေကျပ်သိန်းပေါင်း(၃၀၀၀)လှူဒါန်းခဲ့ကြောင်း သိရသည်။ 

ငလျင်ဘေးသင့်ပြည်သူများအတွက် ပထမအကြိမ်အလှူငွေပေးအပ်ပွဲ အခမ်းနားတွင် စေတနာရှင်အလှူရှင်များမှ လှူဒါန်းသောအလှူငွေစုစုပေါင်း (၁၁၆.၈၄)ဘီလျံ ဖြစ်ကြောင်း သိရသည်။

#MyanmarEartquake

https://t.me/MyanmarNationalPost